21 წლის გოგონა პაროსზე მომხდარ ინციდენტთან დაკავშირებით პირველ კომენტარს აკეთებს
21 წლის გოგონა პაროსზე მომხდარ ინციდენტთან დაკავშირებით პირველ კომენტარს აკეთებს
კუნძულ პაროსზე ნარკოტიკული ნივთიერების მიღების შედეგად უგონო მდგომარეობაში მყოფი 21 წლის გოგონა გონს მოვიდა და მომხდართან დაკავშირებით პირველი კომენტარი გააკეთა. მისი თქმით, მან ნივთიერება საკუთარი სურვილით მიიღო, რის შემდეგაც ჯანმრთელობის მდგომარეობა მკვეთრად გაუარესდა. ახალგაზრდა ქალი თავდაპირველად პაროსის ჯანმრთელობის ცენტრში გადაიყვანეს, მოგვიანებით კი ათენის „ძანიო“-ს საავადმყოფოში.
MEGA-სთან საუბრისას გოგონამ გაიხსენა, რომ მეგობრებთან ერთად ატარებდა დროს, ერთობოდნენ და მოგვიანებით ალკოჰოლი დალია, რის შემდეგაც გონება დაკარგა.
გოგონას თქმით, მან ნარკოტიკული ნივთიერების მიღება გართობის მიზნით გადაწყვიტა, თუმცა საჭიროზე მეტი მიიღო. მან ასევე აღნიშნა, რომ ამ ნივთიერების ალკოჰოლთან ერთად მიღება განსაკუთრებით სახიფათოა.
ახალგაზრდა ქალმა მომხდარი ასე აღწერა: თავდაპირველად თავბრუ დაეხვა, შემდეგ სხეულის დაბუჟება იგრძნო და მეგობრებს უთხრა, რომ თავს ცუდად გრძნობდა. ამის შემდეგ კი გონება დაკარგა.
გოგონამ ასევე დაიცვა თავისი პარტნიორი, რომელმაც ის პაროსის ჯანმრთელობის ცენტრში გადაიყვანა. მისი განცხადებით, მას არ სურს რომ მომხდარი პარტნიორის მხრიდან ძალადობად წარმოჩინდეს, რადგან ნივთიერება საკუთარი ნებით მიიღო. ამასთან აღნიშნა, რომ მისი პარტნიორი იმ მომენტში როდესაც მან აღნიშნული ნივთიერება მიიღო, იქ არ იმყოფებოდა.
ახალგაზრდა ქალის თქმით, ის ნარკოტიკულ ნივთიერებებს ზოგადად არ მოიხმარს და იმ ღამეს აღნიშნული ნივთიერების გასინჯვა პირველად გადაწყვიტა.
გოგონამ საუბარი გაფრთხილებით დაასრულა და საზოგადოებას მოუწოდა თავი შეიკავონ მსგავსი ნივთიერებების მიღებისა და ექსპერიმენტებისგან, რადგან წინასწარ შეუძლებელია იმის ცოდნა, თუ როგორ იმოქმედებს კონკრეტული ნივთიერება ორგანიზმზე და რა მძიმე შედეგები შეიძლება მოჰყვეს მის გამოყენებას.
