7 სექტემბრიდან ათენში ტრამვაის გადაადგილების ახალი გრაფიკი ამოქმედდება
7 სექტემბრიდან ათენში ტრამვაის გადაადგილების ახალი გრაფიკი ამოქმედდება
ათენში ტრამვაის მგზავრებისთვის 7 სექტემბრიდან ახალი, გახშირებული გრაფიკი ამოქმედდება. გაიზრდება როგორც მოძრავი შემადგენლობების, ისე რეისების რაოდენობა, რაც პიკის საათებში ლოდინის დროს შეამცირებს.
ხაზი 6 – „სინდაღმა–პიკროდაფნი“:
დილის პიკის საათებში (07:30–10:30) დაემატება ორი ტრამვაი და მათი რაოდენობა 10-დან 12-მდე გაიზრდება. ინტერვალი 9 წუთიდან 7 წუთსა და 30 წამამდე შემცირდება. საღამოს პიკის საათებში (15:30–18:30) იმოძრავებს 11 ტრამვაი და ინტერვალი 9 წუთიდან 8 წუთსა და 10 წამამდე შემცირდება. ყოველდღიური რეისების რაოდენობა 232-დან 244-მდე გაიზრდება.
ხაზი 7 — დაემატება ორი ტრამვაი. დილისა და საღამოს პიკის საათებში საშუალო ინტერვალი 12 წუთიდან 9 წუთსა და 50 წამამდე შემცირდება. ყოველდღიური რეისების რაოდენობა 189-დან 205-მდე გაიზრდება.
საერთო ჯამში, ქსელში ერთდროულად მოძრავი ტრამვაების რაოდენობა 23-დან 27-მდე გაიზრდება. დამატებით გათვალისწინებულია ორი სარეზერვო ტრამვაი და ერთი ტექნიკურ მომსახურებაში მყოფი შემადგენლობა, რათა შეფერხებების შემთხვევაში საჭირო რესურსი არსებობდეს.
ცვლილებებს თან ახლავს ახალი მძღოლების დამატების გეგმაც, რაც გაძლიერებული გრაფიკის სრულად ამოქმედებას შეუწყობს ხელს.
ტრანსპორტის სამინისტროს განცხადებით, ცვლილებების მიზანია ათენის ტრამვაის სისტემის უფრო სწრაფ, საიმედო და კომფორტულ სატრანსპორტო საშუალებად ქცევა. ყოველდღიურად ტრამვაით დაახლოებით 55 000 მგზავრი სარგებლობს.
