დამნაშავეთა ჯგუფი ქმნიდა ყალბ ხელოვნების ნიმუშებს და ყიდიდა საზღვარგარეთ სოლიდურ ფასად

საბერძნეთის პოლიციამ გამოავლინა დამნაშავეთა ხუთწევრიანი ჯგუფი, რომლებიც ყალბ ნახატებს ყიდიდნენ საზღვარგარეთ.

ყველაფერი მაშინ გამოაშკარავდა, როდესაც პოლიციამდე მიაღწია ინფორმაციამ ბანდის შესახებ, რომლის მიერ ყალბი ნახატების ვაჭრობით მიღებულმა შემოსავალმა 12 მილიონ ევროს მიაღწია.

ჩხრეკის დროს ამოღებული იქნა 18 ნახატი,  ხელოვნების ნიმუშების “დასაძველებელი” ორი ღუმელი  და რიგი ბეჭდები და დოკუმენტები , რომელთა საერთო ფინანსური ღირებულება აღემატება 6 000 000 ევროს.

ატიკაში აღმოჩენილ ნახატებზე ექსპერტიზის ჩატარების შემდეგ გაირკვა, რომ ისინი მთლიანად გაყალბებული იყო იმ მხატვრების მხატვრული ხელწერის იმიტაციით, რომლებსაც ნახატები მიეწერებოდათ, ხოლო ნახატებზე ასევე დატანილი იყო გაყალბებული ხელმოწერები იმ მხატვრებისა, რომლებსაც ნახატებს მიაწერდნენ.

შემდგომი გამოძიებიდან გაირკვა, რომ დამნაშავეობრივი დაჯგუფება შეიქმნა და მოქმედებს სულ მცირე, 2014 წლიდან.

რაც შეეხება მოქმედების მეთოდს, ისინი იყენებდნენ კონკრეტულ მეთოდოლოგიას, კერძოდ:

– შეძენილი იქნა საჭირო მასალები (ძველი სტილის ქაღალდი, ნამუშევრების დაძველების მანქანები, შტამპები) ყალბი ნახატების შესაქმნელად.

– ნამუშევრების ავთენტურობის დასადასტურებლად, მათ გააყალბეს შესაბამისი შემქმნელის ხელმოწერა.

– ისინი დაუკავშირდნენ აუქციონის სახლებს საზღვარგარეთ, შეცდომაში შეიყვანეს ნახატების ავთენტურობის შესახებ იმის მტკიცებით, რომ ისინი წინა საუკუნის ნახატების კოლექციონერებისგან ან პოლიტიკური ფიგურებისგან შეიძინეს.

– საერთაშორისო ქსელის მეშვეობით, რომელიც მათ შექმნეს თავიანთი “პროდუქციის” პოპულარიზაციისთვის, მათ განათავსეს ნახატები ონლაინ აუქციონებსა და კატალოგებში,

– ნამუშევრები ხის ყუთებში ჩაალაგეს და სატრანსპორტო კომპანიის (საჰაერო ტრანსპორტის) მეშვეობით გააგზავნეს საზღვარგარეთ გაყიდვის დასასრულებლად.

დამახასიათებელია, რომ ორგანიზაციის სამ ძირითად წევრს (35 წლის, 61 წლის და 69 წლის), საბანკო ანგარიშებზე ჰქონდათ მნიშვნელოვანი თანხები, თუმცა ისინი არ ავლენენ რაიმე პროფესიულ და ბიზნეს საქმიანობას.

ამოღებული ნახატების ავთენტურობა შემოწმდება, ხოლო მომხდარზე ინფორმირებულია ინტელექტუალური საკუთრების დაცვის ორგანიზაცია (O.P.I.), ვიზუალური ნამუშევრებისა და აპლიკაციების კოლექტიური მართვის ორგანიზაცია და კულტურის სამინისტრო.