EFET-მა ცნობილი ნამცხვარი მასში ალერგიული ნივთიერებების აღმოჩენის გამო რეალიზაციიდან ამოიღო

საბერძნეთის სურსათის ეროვნული სააგენტო მოსახლეობას აფრთხილებს საკვების კონკრეტულ სახეობაში ალერგიული ნივთიერებების აღმოჩენის შესახებ.

საუბარია ვეგანურ ნამცხვრებზე ბრენდის სახელწოდებით “VIOLANDA VEGATO VEGETABLE COOKIES” მინიმალური შენახვის ვადა 13-05-2024 და სერიის ნომერი ლოტი 051306, წარმოებული კომპანია “Violanda Biscuit Industry”-ს მიერ.

პროდუქტის შემადგენლობის ქიმიური გამოკვლევის შედეგად მასში აღმოჩენილი იქნა ალერგენული ნივთიერება (კვერცხი).

იმის გამო, რომ პროდუქტს არ აქვს ეტიკეტზე კვერცხთან დაკავშირებული მითითება, პროდუქტის მთლიანი პარტიის სავაჭრო ქსელიდან ამოღების შესახებ შესაბამისი ბრძანება უკვე გაიცა.

მომხმარებლებს, რომლებსაც აქვთ ალერგია კვერცხზე და უკვე შეძენილი აქვთ პროდუქტი, ურჩევენ არ მოიხმარონ იგი.