ცნობილი მსახიობი კატია ნიკოლაიდუ 58 წლის ასაკში გარდაიცვალა

უკურნებელ დაავადებასთან  დიდი ხნის ბრძოლის შემდეგ გუშინ, 58 წლის ასაკში გარდაიცვალა ცნობილი მსახიობი კატია ნიკოლაიდუ.

მისი გარდაცვალების უსიამოვნო ამბავი მისმა ახლო მეგობარმა დიზაინერმა დიმიტრის სტრეპკოსმა ინსტაგრამზე პოსტით გაავრცელა.

კატია ნიკოლაიდუ წლების განმავლობაში წარმატებით ემსახურებოდა სასცენო ხელოვნებას, რაც შეეხება მის პირად ცხოვრებას, იგი დაქორწინებული იყო ოდისეას სტამულისზე, თუმცა ეს ქორწინება დიდხანს არ გაგრძელებულა. მსახიობმა განქორწინება რთულად გადაიტანა და საჯაროდ დაადანაშაულა ყოფილი ქმარი მის მიტოვებაში, როდესაც სიმსივნით დაავადდა.

ოდისეას სტამულისმა ყოფილი მეუღლის გარდაცვალების შესახებ განცხადება გააკეთა ერთ-ერთ სატელევიზიო შოუში, სადაც მან ღრმა მწუხარება გამოხატა მომხდარის გამო:

” ჩვენ 20 წელზე მეტია ერთმანეთთან კონტაქტი არ გვქონია, მაგრამ განადგურებული ვარ, სულ ეს არის რისი თქმაც შემიძლია, ეს უდიდესი გულისტკივილია, ვუთანაგრძნობ ბერძენ ხალხს და გარდაცვლილის ახლობლებს”