ჰავაიზე ტბა ვარდისფრად შეიღება- რას იკვლევენ მეცნიერები
ჰავაიზე, ველური ბუნების ნაკრძალში მდებარე ტბა ვარდისფრად შეიღება. მეცნიერების აზრით ამ უჩვეულო მოვლენის მიზეზი „ჰალობაქტერიებია“, რომლებიც გვალვის გამო მარილის უჩვეულოდ მაღალი კონცენტრაციის მქონე წყლებში იზრდება.
მაუის კეალიას ეროვნული ნაკრძალის ტბაში წყლის ფერის ცვლილებას მეცნიერები 30 ოქტომბრიდან აკვირდებიან.
როგორც ნაკრძალის მენეჯერმა, ბრეტ ვოლფმა აღნიშნა, მას ტბის გასწვრივ მოსეირნე მოქალაქემ აცნობა, რომ “იქ რაღაც უცნაური ხდებოდა”. ვოლფი შეშფოთებული იყო და თვლიდა, რომ ვარდისფერი შეფერილობა ტბაში ჭარბი წყალმცენარეების მანიშნებელია, თუმცა ლაბორატორიულმა ტესტებმა აჩვენა, რომ ცვლილებაზე “პასუხისმგებელია” ორგანიზმი, რომელსაც ჰალობაქტერია ჰქვია.
Guardian-ის თანახმად, ჰალობაქტერიები არის ერთუჯრედიანი ორგანიზმები, რომლებიც საზრდოობენ წყალში მარილის მაღალი კონცენტრაციით, რის გამოც ისინი განიხილება “ექსტრემოფილებად” – ეს არის ორგანიზმები, რომლებსაც ცოცხალი ორგანიზმების უმეტესობისგან განსხვავებით, ექსტრემალურ პირობებშიც შეუძლიათ არსებობა.
კეალიას ტბაში მარილიანობა ამჟამად ორჯერ აღემატება ზღვის წყალს. ამავე ინფორმაციით, ამ მოვლენის გამომწვევი მიზეზი სავარაუდოდ მაუის გვალვა იყო. წვიმამ, რომელიც შეამცირებს წყლის მარილიანობის დონეს, შეიძლება დაუბრუნოს მას ნორმალური ფერი, თქვა ვოლფმა.
აღსანიშნავია, რომ ბოლო სამოცდაათი წლის განმავლობაში ნაკრძალში ტბის ასეთი შეფერილობა არავის შეუმჩნევია, თუმცა გვალვისა და წყლის მარილიანობის მომატებული შემთხვევები ადრეც დაფიქსირებულა.
ვიდეო:
