Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
პოლიტიკასაბერძნეთი

7 დეკემბერს ათენში მიცოტაკის და ერდოღანის შეხვედრა დაიგეგმა

7 დეკემბერს ათენში საბერძნეთის პრემიერ მინისტრის კირიაკოს მიცოტაკის და თურქეთის პრეზიდენტის რეჯეფ ტაიფ ერდოღანის შეხვედრა გაიმართება. მოსალოდნელია, რომ 7 დეკემბრის შეხვედრა ორ მეზობელს შორის ურთიერთობების ბოლო დათბობაზე იქნება აგებული.

ბერლინში, კონრად ადენაუერის ფონდში გამართულ ღონისძიებაზე გამოსვლისას, მიცოტაკიმ განაცხადა,რომ საბერძნეთი და თურქეთი შეთანხმდნენ ორმხრივი ურთიერთობების ნორმალიზაციის საგზაო რუკაზე, რათა ხელი შეუწყონ პოზიტიურ დღის წესრიგს და არ დაუშვან ის სირთულეები, რაც გამოიწვევს სამხედრო დაპირისპირებას.

პრემიერმა აშკარა ხაზგასმით აღნიშნა: ”მე სრულიად არ ვეთანხმები რეჯეფ ტაიფ ერდოღანის კომენტარებს ჰამასის შესახებ, მაგრამ ეს არ არის მიზეზი, რომ არ მივესალმო მას საბერძნეთში ერთ თვეზე ნაკლებ დროში, როდესაც განვიხილავთ ჩვენს ორმხრივ ურთიერთობებს”.
ორი ლიდერის შეხვედრის შესახებ გადაწყვეტილების მიღება მოყვა საბერძნეთსა და თურქეთს შორის ნდობის აღდგენის ღონისძიებებზე მოლაპარაკებების განახლებას, რომელიც გაიმართა ორშაბათს ანკარაში, სამ წელზე მეტი ხნის შესვენების შემდეგ.

ორივე ქვეყნის თავდაცვის სამინისტროს დელეგაციამ, ისევე როგორც სამოქალაქო ოფიციალურმა პირებმა, ყურადღება გაამახვილეს ეგეოსის ზღვის რეგიონში განსახორციელებელ გადამწყვეტ ზომებზე, რაც დიდი ხანია კამათის მიზეზი იყო.

განხილულ მთავარ საკითხებს შორის იყო სამხედრო გემებს შორის უსაფრთხოების მანძილის დაწესება, საბრძოლო თვითმფრინავების მიერ დაბალ სიმაღლეზე ფრენების და სამხედრო და საზღვაო გემების მიერ საშიში მანევრების განხორციელების თავიდან აცილება.

ასევე ცნობილი გახდა პირდაპირი საკომუნიკაციო ხაზის შექმნის გეგმის შესახებ ესკიშეჰირისა და ლარისას შტაბ-ბინებს შორის, რათა თავიდან აიცილონ თვითმფრინავების არასწორი იდენტიფიკაცია ფრენების დროს და ინციდენტები გამანადგურებელ თვითმფრინავებს შორის.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *