შვილის მკვლელ მამას სამუდამო პატიმრობა მიესაჯა

შვილის მკვლელ მამას სამუდამო პატიმრობა მიესაჯა

ჰერაკლიონი: სამუდამო პატიმრობა მიესაჯა მამას, რომელმაც შობის დღეს საკუთარი შვილი მოკლა.

შემთხვევა 2020 წელს მოხდა.  მკვლელი მამის გარდა, მსხვერპლის ძმაც მოიხდის სასჯელს, რომელსაც მკვლელობაში თანამონაწილეობისათვის 12 წლით თავისუფლების აღკვეთა მიესაჯა.

სამუდამო პატიმრობა შეეფარდა აღმოსავლეთ კრეტას ნაფიც მსაჯულთა სააპელაციო სასამართლოს მიერ, 59 წლის მამას, რომელსაც 2020 წელს, შობის დღეს,  27 წლის შვილთან ერთად, ბრალი ედება მეორე ვაჟიშვილის სასიკვდილოდ დაჭრაში.

ცნობილია, რომ სისხლიანი ინციდენტი შობის დღეს მოხდა.  მკვლელმა მამამ კი, იმთავითვე განაცხადა, რომ ინცინდენტის დროს ის, თავდაცვაში იმყოფებოდა.

თუმცა, ადვოკატის განცხადებით, 59 წლის მამაკაცი ამტკიცებს, რომ უშუალოდ მან დაჭრა სასიკვდილოდ საკუთარი ვაჟშვილი, ხოლო მოკლულის ძმის მონაწილეობას მკვლელობაში კი, სასტიკად უარყოფს.