პარაშუტისტი ხეზე ჩამოეკიდა
პარაშუტისტი ხეზე ჩამოეკიდა
50 წლის გერმანელმა ტურისტმა პარაპლანით ფრენა განახორციელა, თუმცა ეს გამოცდილება ლამის სიცოცხლის ფასად დაუჯდა.
50 წლის გერმანელი ტურისტი, რომელმაც იოანენაში პარაპლანით გასეირნობა გადაწყვიტა,დიდი ხნის განმავლობაში, ხეზე იყო ჩამოკიდებული.
ტურისტმა არასწორად გამოთვალა პარაპლანით დაშვების წერტილი. ის იოანენას ტბისპირა რაიონში უნდა დაშვებულიყო.
პარაშუტი, რომელსაც გერმანელი ტურისტი მართავდა, ხეების ტოტებში გაიხლართა და უცხოელი, ხუთი მეტრის სიმაღლეზე ჩამოეკიდა…
საბედნიეროდ, ტურისტი არ დაშავებულა. მან მობილური ტელეფონით შეატყობინა იოანენას სახანძრო სამსახურს, რომლის თანამშრომლებიც შემთხვევის ადგილზე ცოტა ხნის შემდეგ მივიდნენ და უვნებლად ჩამოხსნეს ტურისტი.
შემთხვევის ადგილზე მივიდა სასწრაფო დახმარების მანქანაც, რომლითაც მამაკაცი იოანენას საავადმყოფოში უნდა გადაეყვანათ, თუმცა ტურისტს გაუმართლა და ის, სრულიად ჯანმრთელი და უვნებელი აღმოჩნდა, მიუხედავად იმ ბასრი ტოტებისა, რომელზეც ტურისტის პარაპლანი ჩამოეკიდა.
