პორტო რაფტში მომხდარი ავარიის შედეგად ტრამვირებული 22 წლის გოგონას დედა აცხადებს რომ ექიმები იმედს არ აძლევენ, რომ მისი შვილი გადარჩება
პორტო რაფტში მომხდარი ავარიის შედეგად ტრამვირებული 22 წლის გოგონას დედა აცხადებს რომ ექიმები იმედს არ აძლევენ, რომ მისი შვილი გადარჩება
22 წლის ფანის მშობლები მძიმე წუთებს გადიან მათ ცხოვრებაში. ფანი პორტო რაფტში მომხდარ ავარიას სასწაულებრივად გადაურჩა. ის ცოცხალი გამოიყვანეს შავი დალეწილი მერსედესიდან, რომლის 27 წლის მძღოლიც ადგილზევე დაიღუპა შეჯახების შედეგად. გოგონას ჯანმრთელობა კრიტიკულ მდგომარეობაშია და გადაყვანილია KAT-ის საავადმყოფოში.
22 წლის გოგონას ავარიის შედეგად თავის არეში მძიმე დაზიანებები აქვს მიყენებული. მას ჩაუტარდა ოპერაცია ერთი ჰემატომის გასამკლავებლად, მაგრამ, დედის თქმით, ექიმები არ აძლევენ არანაირ იმედს, რომ ფანი გადარჩება.
დაშავებული გოგონას დედა protothema.gr-ის რეპორტიორთან საუბრისას აცხადებს რომ მას იმედი აქვს, რომ მისი გოგონა ამ ბრძოლას მოიგებს და მიუხედავად ექიმების უიმედობისა, გადარჩება.
“ძალიან ცუდად არის. მისი მდგომარეობა კრიტიკულია. მძიმე დაზიანებები აქვს თავზე და ექიმები იმედს არ გვაძლევენ რომ გადარჩება. მას უკვე ჩაუტარდა ერთი ოპერაცია თავზე და ახლა ველოდებით, ველოდებით რომ გაიღვიძებს. იმედია რაღაც იქნება..” – აცხადებს ქალბატონი ზოი და იქვე აღნიშნავს რომ 27 წლის ნიკოსს, ფანის მეგობარს იტაცებდა მანქანები და უყვარდა მაღალი სიჩქარით გადაადგილება და მიიჩნევს, რომ ამან ის სიკვდილამდე მიიყვანა, ხოლო მისი ქალიშვილი კი ინტენსიური თერაპიის განყოფილების საწოლს მიაჯაჭვა.
