77 წლის კაცი აივნიდან გადმოვარდა – ექიმებმა მოხუცებულის გადარჩენა ვერ შეძლეს

77 წლის კაცი აივნიდან გადმოვარდა – ექიმებმა მოხუცებულის გადარჩენა ვერ შეძლეს
პირღოში, რიუს საავადმყოფოში დალია სული 77 წლის კაცმა, რომელიც საცხოვრებელი ბინის აივნიდან გადმოვარდა.
patrisnews-ის მიერ გავრცელებული ინფორმაციის თანახმად გამოძიებისთვის ამ დრომდე დაუდგენელ მიზეზთა გამო 77 წლის კაცი ხუთშაბათს შუაღამისას საკუთარი საცხოვრებელი ბინის აივნიდან გადმოვარდა. დაცემის შედეგად მოხუცებულმა გონება დაკარგა. გულწასული კაცი შუაქუჩაში მისმა ახლობელმა იპოვა და სასწრაფო გამოიძახა.
სასწრაფო დახმარების ბრიგადამ დაშავებული ჯერ ანდრეა პაპანდრეოსის სახელობის კლინიკაში გადაიყვანა, მაგრამ გამომდინარე იქიდან რომ მოხუცებულს მძიმე დაზიანებები აღენიშნებოდა საჭირო გახდა მისი “პანაღია ი ვოითია”-ში გადაყვანა, სადაც მეორე დღეს დილით გარდაიცვალა.