კალითეა: ავტოსაგზაო შემთხვევას 12 წლის გოგონა ემსხვერპლა

კალითეაში,  ორშაბათს,  თეესოსა და სპარტის ქუჩების შეერთებაზე   მძიმე ავტოსაგზაო შემთხვევის შედეგად 12 წლის გოგონა გარდაიცვალა.

ავტომობილი, რომელიც მოძრაობდა შუა ზოლზე,  არასრულწლოვანს მაშინ დაეჯახა,  როცა ის ქუჩის გადაკვეთას ცდილობდა.

შეჯახების შემდეგ შემთხვევის ადგილზე სასწრაფო სამედიცინო დახმარების ბრიგადა მივიდა და მოზარდი თავის ტვინის მძიმე დაზიანებით ნიცას გენერალურ საავადმყოფოში გადაიყვანეს.

ექიმები  ერთი საათის განმავლობაში ცდილობდნენ შეენარჩუნებინათ მისთვის  სიცოცხლე, მაგრამ გოგონას გადარჩენა ვერ  შეძლეს.

იგი  მძიმე დაზიანებებით საავადმყოფოში გარდაიცვალა.

ოჯახის ახლო ნათესავის თქმით,  მშობლები მძიმე ფსიქოლოგიურ მდგომარეობაში იმყოფებიან.  ისინი პირდაპირ საავადმყოფოში გაიქცნენ და იქ გაიგეს, რომ მათი შვილი გარდაიცვალა.

ავტოსატრანსპორტო საშუალების 32 წლის მძღოლი დააკავეს და ჩაუტარდა შესაბამისი გამოკვლევა  რათა დადგინდეს, იყო თუ არა ალკოჰოლის ან სხვა ნივთიერების ზემოქმედების ქვეშ შემთხვევის დროს.

მოგვიანებით ცნობილი გახდა, რომ შედეგი უარყოფითი იყო.