ქსილოკასტროში გაჩენილი ხანძრის მასშტაბები სატელიტით განისაზღვრა – სადამდე მიაღწია კვამლმა
ქსილოკასტროში გაჩენილი ხანძრის მასშტაბები სატელიტით განისაზღვრა – სადამდე მიაღწია კვამლმა
უკვე მეოთხე დღეა მეხანძრეები თავდაუზოგავად იბრძვიან ქსილოკასტროში კვირას დილით გაჩენილი ხანძრის ჩასაქრობად. შეგახსენებთ, რომ ხანძარმა 2 ადამიანის სიცოცხლე იმსხვერპლა და 40 000 ჰექტარზე მეტი გადაწვა.
სახანძრო სამსახურის მიერ გავრცელებული ინფორმაციის თანახმად ხანძარს ამდროისთვის აქტიური კერა უკვე აღარ აქვს, თუმცა მიუვალ ადგილებში მიმოფანტული პატარა კერები ისევ აქტიურია. პატარა ხანძრის კერების ჩაქრობას ამ დრომდე ცდილობენ მეხანძრეები.
უკვე კვირიდან ატმოსფეროში შეინიშნებოდა მხუთავი ჰაერების მაღალი მაჩვენებელი ათენის ბევრ უბანში. მხუთავი აერები, კვამლი და ფერფლი ძლიერი ქარის გამო მალევე მოედო დიდ და ხანძრისაგან საკმაოდ მოშორებით მდებარე ტერიტორიებს. გამომდინარე აქედან ექსპერტები განსაკუთრებული სიფრთხილისკენ მოუწოდებენ იმ ადამიანებს, რომლებსაც სასუნთ გზებზე პრობლემები აქვთ.
ევროკავშირის დედამიწაზე დაკვირვების პროგრამიდან, კოპერნიკიდან ჩანს, რომ თანამგზავრმა საკმაოდ მკვრივი კვამლი დააფიქსირა.
