ავტოსაგზაო შემთხვევა კიფისოზე: 8 ავტომანქანის შეჯახების შედეგად 7 მგზავრი დაშავდა
ავტოსაგზაო შემთხვევა კიფისოზე: 8 ავტომანქანის შეჯახების შედეგად 7 მგზავრი დაშავდა
დიდი ავტოსაგზაო შემთხვევა დაფიქსირდა კიფისოს გამზირზე პირეასკენ მიმავალ ნაკადში ღამის 01:00 საათზე.
საგზაო პოლიციის მიერ გავრცელებული ინფორმაციის თანახმად ერთმანეთს 8 ავტომანქანა შეეჯახა. შეჯახებისას 7 ადამიანი დაშავდა, რომელთაგანაც 1 ფეხმძიმეა ხოლო მეორე კი პოლიციელი.
protothema.gr-ის მიერ გავრცელებული ინფორმაციის თანახმად თავიდან ერთმანეთს 2 ავტომანქანა შეეჯახა. ავტოსაგზაო შემთხვევის ადგილზე პოლიციელები მივიდნენ 2 მოტოციკლეტით და დაზიანებულ ავტომანქანებთან ახლოს გაჩერდნენ. მაშინ როცა პოლიციელები ცდილობდნენ დაშავებულების დახმარებას გზის იმავე ნაკადში მაღალი სიჩქარით მიმავალი მანქანის მძღოლმა საჭეზე კონტროლი დაკარგა და პოლიციელების მოტოციკლეტებს შეეჯახა. შეჯახების შედეგად ერთ-ერთი პოლიციელი დაშავდა. აღნიშნულმა შეჯახებამ კიდევ 3 ავტომანქანის შეჯახება გამოიწვია.
