პილიო: 32 წლის ტურისტი ცურვისას დაიხრჩო
პილიო: 32 წლის ტურისტი ცურვისას დაიხრჩო
ტრაგიკულად დაასრულა სიცოცხლე ისრაელის მოქალაქემ, რომელიც საბერძნეთში შვებულების გასატარებლად იყო ჩამოსული.
აღია სარანდას სანაპიროზე წყალში საცურაოდ შესული ტურისტი ტალღამ წაიყო. ივარაუდება, რომ აღელვებულ ზღვას ვერ გაუმკლავდა და დაიხრჩო.
taxydromos.gr-ის მიერ გავრცელებული ინფორმაციის თანახმად ძლიერი ქარების გამო ხუთშაბათს განსაკუთრებით ბობოქარი იყო ზღვა, შესაბამისად გამაფრთხილებელი ნიშანიც სანაპიროსთან ახლოს გადმოიტანეს, თუმცა 32 წლის ტურისტმა მაინც გადაწყვიტა წყალში ღრმად შესულიყო. წყალში შესვლიდან 10 წუთის გასვლის შემდეგ ტურისტს მეგობარმა ძებნა დაუწყო, რადგან ახალგაზრდა თვალთახედვის არეს მოეფარა. რამდენიმე წუთში კი წყალმა ქვებზე ახალგაზრდა უგონო მდგოამრეობაში გამორიყა.
შემთხვევის ადგილზე იმყოფებოდნენ როგორც მაშველები, ასევე სასწრაფო დახმარების ბრიგადა, თუმცა ახალგაზრდისთვის ყოველგვარი სამედიცინო დახმარების გაწევა უკვე დაგვიანებული იყო.
