ლექტორის მკვლელობაში ბრალდებულმა და მისმა სამმა თანამზრახველმა დანაშაული აღიარეს

ლექტორის მკვლელობაში ბრალდებულმა და მისმა სამმა თანამზრახველმა დანაშაული აღიარეს

43 წლის ლექტორის მკვლელობაში მონაწილეობა აღიარა როგორც მოკლულის ყოფილი მეუღლის 35 წლის პარტნიორმა, ასევე მისმა სამმა თანამზრახველმაც. 

43 წლის კაცი პარასკევს, 4 ივლისს საღამოს მოკლეს ირინის ქუჩაზე აგია პარასკევზე. გამოძიება ვარაუდობს, რომ ლექტორი ყოფილი მეუღლის შეკვეთით მოკლეს, თუმცა 43 წლის ქალი ბრალდებას უარყოფს. აღნიშნული ვარაუდი გამომდინარეობს იქიდან, რომ წყვილს საკმაოდ რთული წარსული და განქორწინება ჰქონდათ. მათ შორის გაუგებრობა არამხოლოდ პირად ურთიერთობას და ბავშვებს ეხებოდა, არამედ ეკონომიკური ხასიათისაც იყო და მოიცავდა აშშ-ში მდებარე მათ საერთო კომპანიებს.

კაცი საბერძნეთში შვილების სანახავად იყო ჩამოსული, თუმცა მანამ მოკლეს, სანამ ბავშებს ნახავდა.