Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

თასოს: პოლიცია 16 წლის ფეხბურთელის გარდაცვალების საქმეს იძიებს

თასოს: პოლიცია 16 წლის ფეხბურთელის გარდაცვალების საქმეს იძიებს

საბერძნეთში, კუნძულ თასოსზე 16 წლის ფეხბურთელის, ჯანა ალანის გარდაცვალების საქმეზე შესაბამისმა უწყებებმა გამოძიება დაიწყეს. ახალგაზრდა ფეხბურთელი კვირას, პანაღიას მოედანზე გამართული მატჩის დროს გარდაიცვალა.

შემთხვევა თამაშის დაწყებიდან მეორე წუთზე მოხდა. არსებული ინფორმაციით, თამაშის დროს 16 წლის ფეხბურთელმა წონასწორობა დაკარგა და მოედნის კიდესთან თავის უკანა ნაწილი მოედნის ღობეს დაარტყა. სპორტსმენმა გონება დაკარგა. სასწრაფო დახმარების ბრიგადამ დაშავებული კავალას საავადმყოფოში გადაიყვანეს. პაციენტი 27 სექტემბრიდან რეანიმაციულ განყოფილებაში იყო მოთავსებული, თუმცა ექიმების თავდაუზოგავი მცდელობებისდა მიუხედავად სამშაბათს 29 სექტემბერს გარდაიცვალა.

გამოძიების ერთ-ერთი მთავარი მიმართულება ახლა სტადიონის უსაფრთხოების სტანდარტების შემოწმებაა. პოლიცია და კავალას პროკურატურა ადგენენ, აკმაყოფილებდა თუ არა მოედანი უსაფრთხოების დადგენილ მოთხოვნებს, განსაკუთრებით იმ საკითხს, თუ რა მანძილით იყო მოედნის ხაზებიდან დაშორებული მოედნის ღობე და სხვა მყარი კონსტრუქციები.

ასევე მოწმდება მოედნის ლიცენზირება. გამოძიების ფარგლებში დაკითხავენ შემთხვევის თვითმხილველებსა და იმ პირებსაც, რომლებიც სპორტული ობიექტის ფუნქციონირებასა და მატჩის ორგანიზებაზე იყვნენ პასუხისმგებელი.

საქმისთვის მნიშვნელოვანი იქნება სასამართლო-სამედიცინო ექსპერტიზის დასკვნაც. გამოძიების შედეგად მოპოვებული მტკიცებულებები, მოწმეთა ჩვენებები და ექსპერტიზის დასკვნა გადაეგზავნება პროკურორს, რომელიც შეაფასებს, იკვეთება თუ არა შესაძლო სისხლისსამართლებრივი პასუხისმგებლობა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *