პალეო ფალიროში, ედემის სანაპიროზე პატარა გოგონას ცხედარი იპოვეს
პალეო ფალიროში, ედემის სანაპიროზე პატარა გოგონას ცხედარი იპოვეს
კვირას გამთენიისას, პალეო ფალიროს სანაპიროზე 3 წლის გოგონას ცხედარი იპოვეს.
გარდაცვლილის ვინაობა ჯერ-ჯერობით დაუდგენელია. გავრცელებული ინფორმაციის თანახმად არცერთ პოლიციის განყოფილებაში არ იძბნება განაცხადი გაუჩინარებულ ბავშვთან დაკავშირებითაც.
ცხედარი გამთენიის 04:00 საათზე გამვლელმა იპოვა. შეშინებულმა დაუყოვნებლივ 112-ში დარეკა დახმარების სათხოვნელად. შემთხვევის ადგილზე გამოცხადდა პოლიცია და სასწრაფო დახმარების ბრიგადა, თუმცა გოგონასთვის სამედიცინო დახმარების აღმოჩენა უკვე დაგვიანებული იყო.
ცხედარს ჩაუტარდება ექსპერტიზა გარდაცვალების მიზეზის დასადგენად.
ბავშვს დახურული საცურაო კოსტუმი ეცვა და არ ეკეთა სამაშველო რგოლები. სხეულს არ ეტყობა ძალადობის კვალი, თუმცა გამოძიებისთვის ამ დრომდე დაუდგენელია თუ რატომ აღმოჩნდა გოგონა მარტო სანაპიროზე, რა ვითარებაში გარდაიცვალა და რატომ არ არის განყოფილებაში ბავშვის გაუჩინარებასთან დაკავშირებით განაცხადი შესული.
