სალონიკი: კარდიოლოგს ქრთამის აღებისთვის 3 წლით პირობითი მსჯავრი შეეფარდა

სალონიკი: კარდიოლოგს ქრთამის აღებისთვის 3 წლით პირობითი მსჯავრი შეეფარდა

სალონიკის ერთ-ერთი სახელმწიფო საავადმყოფოს კარდიოლოგი ქრთამის აღების ბრალდებით გაასამართლეს.

გამოძიების ხელთ არსებული ინფორმაციის თანახმად ბრალდებულმა 2018 წლიდან 2020 წლის ჩათვლით 20 ქრთამი აიღო. ქრთამის ოდენობა 100 ევროდან 5 000 ევრომდე მერყეობდა და ექიმს უხდიდნენ რათა არ გამხდარიყო საჭირო რიგში დგომა ქირურგიული ოპერაციის ჩასატარებლად. 

სასამართლომ ბრალდებული დამნაშავედ სცნო, 3 წლიანი პირობითი მსჯავრი შეუფარდა და ჩამოართვა უნივერსიტეტში სწავლების უფლება. 

გავრცელებული ინფორმაციის თანახმად ექიმი სასამართლო პროცესს არ დასწრებია. მისმა ადვოკატებმა კი განაცხადეს, რომ ბრალდებულს ცილს სწამებენ და ის უბრალოდ შეთქმულების მსხვერპლია.