როგორ აღნიშნავენ პოლიტექნიკური უნივერსიტეტის 52-ე წლისთავს უნივერსიტეტები და სკოლები
როგორ აღნიშნავენ პოლიტექნიკური უნივერსიტეტის 52-ე წლისთავს უნივერსიტეტები და სკოლები
პოლიტექნიკური უნივერსიტეტის 52-ე წლისთავს განსაკუთრებულად აღნიშნავენ როგორც სტუდენტები და სკოლის მოსწავლეები, ასევე სრულიად საბერძნეთის მოსახლეობა 2025 წლის 17 ნოემბერს, ორშაბათს. ამ დღეს სრულიად ქვეყნის მასშტაბით გაიმართება 1973 წლის ისტორიული აჯანყებისადმი მიძღვნილ ღონისძიებები.
განათლების სამინისტრომ უკვე გამოაქვეყნა სადღესასწაულო ოფიციალური პროგრამა, რომელიც საგანმანათლებლო დაწესებულებებისთვის სპეციალური ღონისძიებების გატარებას ითვალისწინებს.
მიუხედავად იმისა, რომ სკოლებში ეს დღე დღესასწაულად ითვლება, მოსწავლეთა დასწრება სავალდებულოა. შესაბამისად მოსწავლეები სკოლაში ორშაბათს დილით უნდა გამოცხადდნენ, რადგან დასწრება აღირიცხება და გაცდენები არასაპატიოდ ჩაითვლება.
სკოლებში გაკვეთილების ნაცვლად ამ დღისადმი მიძღვნილი ღონისძიებები ჩატარდება, რომელშიც წამყვან როლს სწორედ მოსწავლეები ითამაშებენ.
17 ნოემბერს დაიკეტება საბერძნეთის ყველა უნივერსიტეტი, როგორც ეს ყოველწლიურად ხდება. არ იმუშავებენ როგორც მოსწავლეთა და სტუდენტთა გადამზადების, ასევე უცხო ენების შემსწავლელი ცენტრები. სასწავლო პროცესი ჩვეულ რეჟიმში განახლდება სამშაბათს, 18 ნოემბერიდან.
პოლიტექნიკური უნივერსიტეტის იუბილე ყოველწლიურად აღინიშნება, როგორც დემოკრატიისა და თავისუფლებისთვის ბრძოლის სიმბოლო, სტუდენტები გვირგვინებით ამკობენ უნივერსიტეტის მიმდებარე ტერიტორიას და მთელი ქვეყნის მასშტაბით სამახსოვრო ღონისძიებებში იღებენ მონაწილეობას.
