10 მაისს საბერძნეთში დედის დღეს აღნიშნავენ

10 მაისს საბერძნეთში დედის დღეს აღნიშნავენ

საბერძნეთში დედის დღე წლის ერთ-ერთ ყველაზე მნიშვნელოვან დღედ ითვლება და განსაკუთრებული ისტორიული დატვირთვა აქვს, რომელიც უძველეს ტრადიციას საეკლესიო ცხოვრებასთან აკავშირებს. აღსანიშნავია, რომ წელს დედის დღე კვირას, 10 მაისს აღინიშნება.

როგორც ევროპის სხვა ქვეყნებში და ამერიკაში საბერძნეთშიც დედის დღე მოძრავი დღესასწაულია და ყოველთვის მაისის მეორე კვირა დღეს აღინიშნება.

ისტორიულად მნიშვნელოვანი ფაქტი საბერძნეთისთვის ის არის რომ ეს დღე ყოველთვის 2 თარიღში აღინიშნებოდა:

• პირველი თარიღი 2 თებერვალი იყო, როცა საბერძნეთში დედის დღე აღინიშნებოდა. ეს დღე 1929 წელს სიმბოლურად აირჩიეს, რადგან ღვთისმშობელმა იესოს შობიდან 40 დღის თავზე ეკლესიაში მიიყვანა. მიუხედავად იმისა, რომ 2 თებერვალს საზოგადოება აღარ აღნიშნავს საბერძნეთის ეკლესია მაინც ამ დღეს მიიჩნევს ქრისტიანი დედების დღედ.
• მეორე დედის დღის თარიღი კი მაისის თვის მეორე კვირა დღეა. რომელიც 1960 წელს აირჩია საბერძნეთმა, როგორც დასავლური კულტურის ნაწილი.