მიიღებენ თუ არა მონაწილეობას გაფიცვაში საზოგადოებრივი ტრანსპორტის თანამშრომლები
მიიღებენ თუ არა მონაწილეობას გაფიცვაში საზოგადოებრივი ტრანსპორტის თანამშრომლები
24 საათით იფიცებიან ხვალ, 13 მაისს საჯარო მოხელეები საჯარო მოხელეთა პროფკავშირების მიერ მიღებული გადაწყვეტილების საფუძველზე.
გაფიცვის ფარგლებში გაიმართება საპროტესტო აქციაც. აქციაში მონაწილეობის მიღების მსურველები კლავთმონოსის მოედანზე დილის 10:30 საათიდან შეიკრიბებიან.
საჯარო მოხელეთა მთავარი მოთხოვნებია:
- ხელფასების მომატება
- მე-13 და მე-14 ხელფასების დაბრუნება
- ინსტიტუციური ცვლილებები: სოლიდარობის შენატანების გაუქმება და კერძო სექტორში მიღებული გამოცდილების წლების აღიარება.
გაფიცვაში მონაწილეობას მიიღებენ მასწავლებლებიც, რაც სასწავლო პროცესის შეფერხებას გამოიწვევს.
ჯერ-ჯერობით უცნობია გაიფიცება თუ არა საზოგადოებრივი ტრანსპორტი.
საჯარო მოხელეთა პროფკავშირების წარმომადგენლებმა განმარტეს, რომ საზოგადოებრივი ტრანსპორტის თანამშრომლები კონფედერაციის წევრები არ არიან, შესაბამისად ისინი ჩვეულებრივ რეჟიმში განაგრძობენ მუშაობას:
“საზოგადოებრივი ტრანსპორტი არ არის საჯარო სექტორის ნაწილი; მის თანამშრომლებს არ წარმოადგენს პროფკავშირები, შესაბამისად, დღევანდელი გაფიცვა საზოგადოებრივი ტრანსპორტის გადაადგილებაზე გავლენას არ მოახდენს.”
