Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიჯანმრთელობა

საბერძნეთში პირველი პროტონული თერაპიის ცენტრის შექმნა იგეგმება

საბერძნეთში პირველი პროტონული თერაპიის ცენტრის შექმნა იგეგმება

საბერძნეთის ერთ-ერთი უმსხვილესი სამედიცინო დაწესებულება, პაპაღეორღიუს საავადმყოფო მომდევნო ხუთი წლის განმავლობაში ქვეყანაში პირველი პროტონული თერაპიის ცენტრის გახსნას გეგმავს, რომელიც ონკოლოგიურ პაციენტებს თანამედროვე და მაღალტექნოლოგიურ მკურნალობას შესთავაზებს.

საავადმყოფოს დირექტორთა საბჭოს თავმჯდომარის, მიხალის კარავიოტისის მიერ გავრცელებული ინფორმაციის თანახმად ახალი ცენტრი პაციენტებს პროტონული თერაპიის მეთოდით უმკურნალებს. ეს არის ერთ-ერთი ყველაზე თანამედროვე სხივური თერაპია, რომელიც სიმსივნეს განსაკუთრებული სიზუსტით უმიზნებს და ამავდროულად მნიშვნელოვნად ამცირებს ჯანმრთელი ქსოვილებისა და სასიცოცხლოდ მნიშვნელოვანი ორგანოების დაზიანების რისკს. ამჟამად მსგავსი მკურნალობა საბერძნეთში არ ტარდება და მხოლოდ სპეციალიზებულ უცხოურ კლინიკებშია ხელმისაწვდომი.

2025 წელს საავადმყოფომ მნიშვნელოვანი ინვესტიციები განახორციელა ინფრასტრუქტურისა და სამედიცინო ტექნოლოგიების განახლებაში. „ცენტრალური მაკედონიის 2021–2027 წლების პროგრამის“ ფარგლებში მოზიდულ იქნა 9,5 მილიონი ევროს დაფინანსება ახალი აღჭურვილობის შესაძენად, ხოლო 800 ათასი ევრო დაიხარჯა ციფრული ტრანსფორმაციის პროექტებზე. ასევე მიმდინარეობს რობოტული ქირურგიის დანერგვის დაგეგმვა სხვადასხვა სამედიცინო სპეციალობაში.

საავადმყოფოს გენერალური დირექტორის კონსტანტინოს ემანუილიდის მიერ გავრცელებული ინფორმაციის თანახმად 2025 წელს დაწესებულება თითქმის 200 ათას ამბულატორიულ პაციენტს მოემსახურა. გადაუდებელი დახმარების განყოფილებაში 78 887 პაციენტი მივიდა, ჩატარდა 12 378 ქირურგიული ოპერაცია, ხოლო სტაციონარულ მკურნალობაზე 54 665 ადამიანი იმყოფებოდა.

მნიშვნელოვნად გაიზარდა დიაგნოსტიკური და თერაპიული მომსახურების მოცულობაც. წლის განმავლობაში შესრულდა 51 308 კომპიუტერული ტომოგრაფია, 479 485 რენტგენოლოგიური გამოკვლევა, 28 466 სხივური თერაპიის პროცედურა, 17 472 ქიმიოთერაპია და 19 223 ჰემოდიალიზი.

ღონისძიებაზე დამსწრე ოფიციალურმა პირებმა განსაკუთრებული ყურადღება გაამახვილეს ქირურგიული ოპერაციების მოლოდინის დროის შემცირებაზე, რაც საღამოს საათებში დამატებითი საოპერაციო პროგრამების ამოქმედებამ უზრუნველყო.

ახალი პროტონული თერაპიის ცენტრის შექმნა მნიშვნელოვან ნაბიჯად მიიჩნევა საბერძნეთის ჯანდაცვის სისტემისთვის, რადგან ის ქვეყანაში პირველად გახდის ხელმისაწვდომს კიბოს მკურნალობის ერთ-ერთ ყველაზე თანამედროვე და ეფექტიან მეთოდს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *