საბერძნეთი: სალონიკში მმართველი პარტიის წარმომადგენლების სახლებზე თავდასხმას ხელისუფლება ტერორისტულ აქტად აფასებს
საბერძნეთი: სალონიკში მმართველი პარტიის წარმომადგენლების სახლებზე თავდასხმას ხელისუფლება ტერორისტულ აქტად აფასებს
საბერძნეთის საგარეო საქმეთა მინისტრის მოადგილემ, ტასოს ხაძივასილიუმ, სალონიკში მმართველი პარტიის „ნეა დიმოკრატია“-ს წევრების სახლების მიმდებარე ტერიტორიაზე ცეცხლის გაჩენის ფაქტი ტერორისტულ აქტად შეაფასა.
მისი განცხადებით, მსგავსი ქმედებები საფრთხეს უქმნის როგორც ადამიანების სიცოცხლეს, ასევე თითოეული მოქალაქის უფლებას, საკუთარი პოლიტიკური შეხედულებები შიშის გარეშე გამოხატოს. მან აღნიშნა, რომ თავდასხმაში მონაწილე ყველა პირი კანონის შესაბამისად პასუხს აგებს.
მინისტრის მოადგილემ ასევე მხარდაჭერა გამოუცხადა დაშავებულებსა და მათ ოჯახებს და მათ სწრაფი გამოჯანმრთელება უსურვა.
Facebook Comments Box
