საბერძნეთი: როგორი ამინდია მოსალოდნელი კვირას, 2 აგვისტოს
საბერძნეთი: როგორი ამინდია მოსალოდნელი კვირას, 2 აგვისტოს
საბერძნეთის ეროვნული მეტეოროლოგიური სამსახურის (EMY) პროგნოზის მიხედვით, კვირას, 2 აგვისტოს საბერძეთში ძირითადად მზიანი და უნალექო ამინდი იქნება. ქვეყნის აღმოსავლეთ რეგიონებში მოსალოდნელია ჩრდილოეთისა და ჩრდილო-აღმოსავლეთის 4-6 ბოფორი სიმძლავრის ქარები, ხოლო ეგეოსის ზღვის კუნძულებზე დილის საათებში ზოგ ადგილას შესაძლოა ქარების სიმძლავრემ 7 ბოფორსაც მიაღწიოს.
ტემპერატურა საბერძნეთის სახმელეთო ნაწილში 34-36 გრადუსამდე მოიმატებს, ხოლო დასავლეთ რაიონებში ადგილობრივად 37 გრადუსსაც მიაღწევს. კიკლადესის კუნძულებსა და ჩრდილოეთ კრეტაზე ტემპერატურა დაახლოებით 30 გრადუსი იქნება.
ათენში ამინდი ძირითადად მზიანი იქნება. დილის საათებთან შედარებით დღის მეორე ნახევრიდან ქარი შედარებით შესუსტდება.
ტემპერატურა 23-დან 33 გრადუსამდე მოიმატებს.
