საჭიროებს თუ არა საბერძნეთი სეისმოლოგიურ სადგურებს

საჭიროებს თუ არა საბერძნეთი სეისმოლოგიურ სადგურებს

საბერძნეთის კუნძულ ნისიროსზე ვულკანის მონიტორინგის გასაძლიერებლად ახალი მუდმივი სეისმოლოგიური სადგური ამოქმედდა. პროექტი ნისიროსის მუნიციპალიტეტისა და ათენის ეროვნული და კაპოდისტრიას უნივერსიტეტის თანამშრომლობით განხორციელდა.

ახალი სადგური კუნძულზე სეისმურ აქტივობას 24-საათიან რეჟიმში დააკვირდება, ხოლო მონაცემები მეცნიერებისთვის რეალურ დროში იქნება ხელმისაწვდომი. მონიტორინგისთვის გამოიყენება თანამედროვე ტექნოლოგიები, მათ შორის ხელოვნური ინტელექტი, რომელიც ძალიან სუსტი მიკროძვრების დაფიქსირების შესაძლებლობას იძლევა.

უნივერსიტეტის სეისმოლოგიის ლაბორატორიის ინფორმაციით, ნისიროსის ვულკანის რეგიონში ამჟამად სეისმური აქტივობა თითქმის ნულის ტოლია და ვულკანური საფრთხის ნიშნები არ ფიქსირდება.

ადგილობრივი ხელისუფლების განცხადებით, ახალი ვულკანური ობსერვატორია მოსახლეობის უსაფრთხოებას გააძლიერებს, საერთაშორისო სამეცნიერო კვლევებს შეუწყობს ხელს და კუნძულზე საგანმანათლებლო, სამეცნიერო და თემატური ტურიზმის განვითარებასაც წაახალისებს.