Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

ათენის ეკონომიკური უნივერსიტეტი: ინიციატივა, რომელიც ათობით სტუდენტის ცხოვრებას შეცვლის

ათენის ეკონომიკური უნივერსიტეტი: ინიციატივა, რომელიც ათობით სტუდენტის ცხოვრებას შეცვლის

ათენის ეკონომიკური უნივერსიტეტის ადმინისტრაციული მეცნიერებისა და ტექნოლოგიების დეპარტამენტი მომდევნო ხუთი წლის განმავლობაში რეგიონებიდან ჩარიცხული ჯამში 50 სტუდენტისთვის სტიპენდიას გასცემს. ინიციატივა ძალაში ახალი სასწავლო წლიდან შევა.

პროგრამის ფარგლებში ყოველწლიურად 10 სტუდენტი შეირჩევა, ხოლო ხუთი წლის ბოლოს სტიპენდიატების საერთო რაოდენობა 50-ს მიაღწევს. თითოეული ბენეფიციარი ოთხწლიანი სწავლის განმავლობაში ჯამში 26 000 ევროს მიიღებს. სტიპენდია ყოველწლიურად განახლდება იმ შემთხვევაში, თუ სტუდენტი მაღალი აკადემიური მოსწრებით გამოირჩევა.

დეპარტამენტის თავმჯდომარის, იანის ნიკოლაუს განცხადებით, პროგრამის მთავარი მიზანია, ნიჭიერ ახალგაზრდებს განათლების მიღების შესაძლებლობა არ შეეზღუდოთ გეოგრაფიული, ეკონომიკური თუ სოციალური ფაქტორების გამო. მისი თქმით, რეგიონებიდან ათენში სასწავლებლად გადასვლა ბევრ ოჯახს მნიშვნელოვან ფინანსურ ტვირთად აწვება, ხოლო ეს სტიპენდია არაერთი სტუდენტისთვის უმაღლესი განათლების მიღების რეალურ შესაძლებლობას შექმნის.

პროგრამა განკუთვნილია მხოლოდ საბერძნეთის რეგიონებიდან ჩარიცხული სტუდენტებისთვის, რომლებიც უნივერსიტეტში ეროვნულ გამოცდებზე მიღებული შედეგებით მოხვდებიან. შერჩევისას გათვალისწინებული იქნება სამი ძირითადი კრიტერიუმი: მაღალი აკადემიური შედეგები, ოჯახის ფინანსური მდგომარეობა და სოციალური მოწყვლადობა, მათ შორის ერთმშობლიანი ოჯახი, მშობლის გარდაცვალება, შეზღუდული შესაძლებლობა ან მრავალშვილიანობა.

სტიპენდიების პროგრამა უნივერსიტეტსა და კომპანია „პაპასტრატოსს“ შორის გაფორმებული თანამშრომლობის მემორანდუმის ფარგლებში, FutuReadyGreece-ის ინიციატივის ნაწილია. შეთანხმება ასევე ითვალისწინებს სტუდენტებისთვის ანაზღაურებად სტაჟირებებს, პროფესიული განვითარების პროგრამებს და ერთობლივ კვლევით პროექტებს.

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *