ცნობილი მომღერალი, გიორგოს მაზონაკისი 54 წლის ასაკში გარდაიცვალა
ცნობილი მომღერალი, გიორგოს მაზონაკისი 54 წლის ასაკში გარდაიცვალა
ბერძნული მუსიკის ერთ-ერთი გამორჩეული სახე, გიორგოს მაზონაკისი, 54 წლის ასაკში გარდაიცვალა. „ღამის შვილად“ და „მაზოდ“ ცნობილი მომღერლის ცხოვრება და კარიერა სცენასთან იყო დაკავშირებული – სწორედ სცენაზე იქცა ის განსაკუთრებული სტილისა და შესრულების მქონე ვარსკვლავად.
მაზონაკისმა სიმღერა მოზარდობისას დაიწყო. 15 წლის ასაკში პირველად გამოვიდა სცენაზე, ხოლო 1989 წელს პატრაში მუშაობისას მისი სახელი უკვე ფართო აუდიტორიამ გაიცნო. მალე ის ათენის მუსიკალურ ინდუსტრიაშიც აღმოჩნდა და პირველი კონტრაქტი გააფორმა.
მისი პირველი ალბომი 1993 წელს გამოვიდა, თუმცა დიდი წარმატება შემდეგ ნამუშევრებს მოჰყვა. ჰიტებმა: „Ανήκω σε μένα“, „Gucci Φόρεμα“, „Θέλω να γυρίσω στα παλιά“ და „Ώρες μικρές“ – მაზონაკისი ბერძნული შოუ-ბიზნესის ერთ-ერთ ყველაზე ცნობილ ვარსკვლავად აქცია.
ის გამოირჩეოდა არა მხოლოდ ვოკალით, არამედ განსაკუთრებული ჩაცმულობითა და სცენური მანერით. სწორედ ამიტომ მას ხშირად „ბერძენ რობი უილიამსს“ უწოდებდნენ. მომღერალს, რომელმაც ხალხური მუსიკა როკის, პოპისა და ახალგაზრდული კულტურის ელემენტებს დაუკავშირა.
მისი ცხოვრების გზა ყოველთვის მარტივი არ ყოფილა. მას ჰქონდა პრობლემური პერიოდები, ნარკოტიკებთან დაკავშირებული ბრალდებები და ბოლო წლებში მძიმე ოჯახური კონფლიქტი. მიუხედავად ამისა, მაზონაკისი ათწლეულების განმავლობაში ინარჩუნებდა განსაკუთრებულ ადგილს ბერძნულ მუსიკაში.
მისი კარიერა 33 წელს ითვლის და სწორედ საიუბილეო კონცერტამდე რამდენიმე დღით ადრე დასრულდა. გიორგოს მაზონაკისი სცენიდან წავიდა, თუმცა მისი სიმღერები და გამორჩეული სტილი ბერძნული მუსიკის ისტორიაში სამუდამოდ დარჩება.
