21 წლის გოგონას დაშავების საქმეში გამოძიება გაუპატიურების აბის შესაძლო გამოყენების ვარაუდს სწავლობს
21 წლის გოგონას დაშავების საქმეში გამოძიება გაუპატიურების აბის შესაძლო გამოყენების ვარაუდს სწავლობს
კრიტიკულია 21 წლის პაციენტის ჯანმრთელობის მდგომარეობა, რომელიც დღეს გამთენიისას კუნძულ პაროსიდან პირეას ძანიოს საავადმყოფოში გადაიყვანეს. გოგონა რეანიმაციულ განყოფილებაში მართვით სუნთქვაზე იმყოფება.
გამოძიება სწავლობს, მიიღო თუ არა ახალგაზრა ქალმა ე.წ. „გაუპატიურების აბად“ ცნობილი ნივთიერება. ამ ეტაპზე უცნობია, კონკრეტულად რა ნივთიერება მიიღო მან და რა ვითარებაში მოხდა შემთხვევა.
ინციდენტთან დაკავშირებით პაროსზე გოგონას მეგობარი დააკავეს. სამართალდამცველები ამოწმებენ ვერსიას, რომ შესაძლოა მას ახალგაზრდა ქალისთვის აღნიშნული ნივთიერება მიეცა. ასევე განიხილება ნარკოტიკული ნივთიერების მიღების შესაძლებლობა, მათ შორის ჭარბი დოზით ან სხვა ნივთიერებებთან ერთად.
გამოძიების ფარგლებში იკითხება კიდევ ერთი წყვილი, რომელიც გოგონასა და მის მეგობართან ერთად იმყოფებოდა.
ექიმები ახალგაზრდა ქალის გადასარჩენად იბრძვიან. შემთხვევის ზუსტი გარემოებები და მისი ჯანმრთელობის მძიმე მდგომარეობის გამომწვევი მიზეზები ჯერ დადგენილი არ არის.
