Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიUncategorized

„ბავშვის მდგომარეობის დამძიმების მიზეზი მისი მეტაბოლიზმი გახდა“ – აცხადებენ პატიმრობაში მყოფი 4 თვის ჩვილის მშობლები

„ბავშვის მდგომარეობის დამძიმების მიზეზი მისი მეტაბოლიზმი გახდა“ – აცხადებენ პატიმრობაში მყოფი 4 თვის ჩვილის მშობლები

ქალაქ პატრაში, ოთხი თვის ჩვილის ჯანმრთელობის მძიმე მდგომარეობასთან დაკავშირებით დაკავებულმა მშობლებმა დაკითხვისას განაცხადეს, რომ ბავშვის მდგომარეობა არასაკმარის კვებას კი არა, მის მეტაბოლიზმს უკავშირდებოდა. თუმცა, სასამართლო პროცესის დასრულების შემდეგ, ორივე მშობელს წინასწარი პატიმრობა შეეფარდა.

როგორც ბერძნული მედია Tempo24 იუწყება, მშობლები უარყოფენ, რომ მათი შვილი არასაკმარისად იკვებებოდა და ამტკიცებენ, რომ ბავშვის მძიმე მდგომარეობა ორგანიზმის მეტაბოლიზმით იყო გამოწვეული.

21 წლის მამასა და 26 წლის დედას, რომლებსაც კიდევ ექვსი შვილი ჰყავთ, ბრალი ედებათ უმოქმედობით, ჯგუფურად ჩადენილი მკვლელობის მცდელობასა და ოჯახში ძალადობაში. დაკითხვის შემდეგ მოსამართლემ და პროკურორმა ორივე მათგანის წინასწარ პატიმრობაში დატოვების გადაწყვიტილება მიიღეს.

რაც შეეხება ჩვილის ჯანმრთელობის მდგომარეობას, ბოლო ინფორმაციით, მისი მდგომარეობა გაუმჯობესებულია: ბავშვი ხელოვნური სუნთქვის აპარატიდან მოხსნეს და პატრას საუნივერსიტეტო საავადმყოფოს რეანიმაციული განყოფილებაც დატოვა. ამჟამად იგი კარამანდანიოს ბავშვთა საავადმყოფოშია გადაყვანილი, სადაც ექიმების მეთვალყურეობის ქვეშ რჩება.

შემთხვევა 11 ნოემბრის გამთენიისას გახდა ცნობილი, როდესაც ოთხი თვის ბიჭი პატრაში, ეღლიადას დასახლებაში მდებარე ბანაკიდან კარამანდანიოს ბავშვთა საავადმყოფოში გადაიყვანეს. ჩვილი ჰიპოგლიკემიურ კომაში იმყოფებოდა.  

ბავშვის მდგომარეობის სიმძიმის გამო იგი რიოს საუნივერსიტეტო საავადმყოფოს ბავშვთა რეანიმაციულ განყოფილებაში გადაიყვანეს, სადაც ექიმებმა მისი ინტუბაცია განახორციელეს.

გამოძიების ფარგლებში პოლიციამ დაადგინა, რომ ჩვილის ჯანმრთელობის მდგომარეობის გაუარესება მშობლების მხრიდან სისტემატურ შიმშილობას უკავშირდებოდა. 

ამასთან, პატრას სასამართლო-სამედიცინო სამსახურის დავალებით დანიშნულია ექსპერტიზა, რომელმაც ბავშვის დაზიანებები და ჯანმრთელობის მდგომარეობის გაუარესების გამომწვევი გარემოებები უნდა შეისწავლოს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *