Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

პოლიციამ ათენის აეროპორტიდან მიგრანტების არალეგალურად გადამყვანი კრიმინალური ორგანიზაცია დაშალა

ათენის აეროპორტის პოლიციის დეპარტამენტმა გამოამჟღავნა და დაშალა კრიმინალური ორგანიზაცია, რომელიც დაკავებული იყო საბერძნეთიდან ევროპის სხვა ქვეყნებში უცხოელების უკანონო გაყვანით ათენის აეროპორტის მეშვეობით, ყალბი ან ნამდვილი სამგზავრო დოკუმენტებით, რომლებიც გაცემული იყო სხვა პირის სახელზე.

ზემოაღნიშნული უწყების მიერ დაგეგმილი და განხორციელებული ოპერაციის ფარგლებში პოლიციის ოფიცრებმა დააკავეს დანაშაულებრივი ორგანიზაციის 7 ინტეგრირებული წევრი.

კრიმინალური დაჯგუფების უცხოელი წევრების მიმართ (სამი 39 წლის, ორი 38 წლის, 43 წლის და 20 წლის) საქმე აღიძრა დანაშაულებრივი ორგანიზაციის შექმნის, საიმიგრაციო და სოციალური ინტეგრაციის კოდექსის სამართალდარღვევის  და  გაყალბების ფაქტზე.

როგორც წინასწარი გამოძიებიდან ირკვევა, ზემოთხსენებულმა უცხოელებმა, მიმდინარე წლის მარტიდან, შექმნეს ოპერატიულად სტრუქტურირებული და უწყვეტად მოქმედი დანაშაულებრივი ორგანიზაცია, რომლის მიზანი იყო ქვეყნიდან უცხოელთა უკანონო გასვლის ხელშეწყობა საჰაერო გზით.

ევროპის სხვადასხვა ქვეყნებში გამგზავრების მსურველთა მოძიების შემდეგ ისინი  უზრუნველყოფდნენ მათთვის დროებით საცხოვრებელ ადგილს, შემდეგ კი მაღაზიებში მიყავდათ შესაბამისი ტანსაცმლისა და ვარცხნილობის მოსარგებად რათა “ევროპელი მგზავრის” გარეგნობა შეეძინათ.

შემდეგ ისინი გადაყავდათ ფოტოსტუდიებში, სადაც იღებდნენ ფოტოებს, რომლებიც შემდეგ მათთვის ყალბი სამგზავრო დოკუმენტების დასამზადებლად ან ნამდვილი დოკუმენტების გასაყალბებლად გამოიყენებოდა.

საბუთების დასრულებისა და მიწოდების შემდეგ ისინი გადაყავდათ ათენის საერთაშორისო აეროპორტში ევროპის  მიმართულებით ავიარეისებზე და რეგისტრაციის გავლიდან თვითმფრინავში ჩასხდომამდე  ხელმძღვანელებდნენ მათ ყველა ეტაპზე, რათა თავიდან აეცილებინათ პოლიციის  კონტროლი.

ათენის აეროპორტის გავლით ქვეყნიდან უკანონო მიგრანტების  გაყვანის ღირებულება მერყეობდა 3000 ევროდან 4000 ევრომდე, დანიშნულების ადგილისა და დოკუმენტის მიხედვით, რომელსაც ტრეფიკინგის მსხვერპლი უცხოელი იყენებდა.

პოლიციის მიერ ჩატარებული  წინასწარი გამოძიებით გამოვლინდა 28 მგზავრის გასვლის და 16 მგზავრის გასვლის მცდელობის შემთხვევა რგოლის წევრების ხელმძღვანელობით და მხარდაჭერით, რომლებიც ცდილობდნენ გამგზავრებას ათენის აეროპორტის გავლით ზემოაღნიშნული მეთოდოლოგიით.

ათენის ერთ-ერთ ბინაში ჩატარებულმა გამოძიებამ ყალბი დოკუმენტების დამზადების  სრულად აღჭურვილი ლაბორატორია გამოავლინა.

როგორც აღნიშნულ ლაბორატორიაში, ასევე დაჯგუფების  წევრების სახლებში ჩატარებული საერთო ჩხრეკიდან ამოღებულია:

251 ბერძნული პირადობის მოწმობა, 29 სხვადასხვა ქვეყნის პასპორტები, 4 სხვადასხვა ქვეყნის ბინადრობის ნებართვა, 10 სხვადასხვა ქვეყნის პირადობის მოწმობა, 3 სხვადასხვა ქვეყნის მართვის მოწმობა, 13 ბერძნული პირადობის მოწმობის დაბეჭდილი ყალბი ბლანკები, 29  დაბეჭდილი ყალბი ცარიელი იტალიური პირადობის მოწმობები, 31 სხვადასხვა პირის ფოტოსურათი, 14 ფურცელი, რომლებზეც გამოსახულია უცხო ქვეყნის პასპორტის კონტროლის შტამპები და სხვა ნივთები.

ასევე, ბინების ჩხრეკისას გამოვლინდა 8 უცხოელი, რომლებსაც არ გააჩნდათ ქვეყანაში ლეგალურად ყოფნის უფლება და რომელთათვისაც დაიწყო ადმინისტრაციული დეპორტაციის პროცესი.

დაკავებულები მათ წინააღმდეგ აღძრული საქმით ათენის სისხლის სამართლის პროკურატურაში გადაიყვანეს.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *