ბერძენი მამაკაცი კარადაში კანაფს ზრდიდა

ოთხშაბათს  შუადღისას, თივაში, პოლიციამ დააკავა ბერძენი მამაკაცი, რომელსაც საკუთარ საცხოვრებელ სახლში კანაფი მოჰყავდა.

პოლიციის ოფიცრებმა სახლის გაჩხრეკისას, მიმდებარე ტერიტორიაზე აღმოაჩინეს საწყობი, რომელშიც მოწყობილი იყო ჰიდროპონული კულტივაციის ორგანიზებული ლაბორატორია.

თვითნაკეთი ლაბორატორია  შედგებოდა ქსოვილის კარადისგან, რომელშიც მამაკაცს დამონტაჟებული ჰქონდა პლასტმასის ბადე გამათბობლით, ვენტილაციის სისტემა, ნათურა  პარაბოლური რეფლექტორით და სხვა აქსესუარები.

შემთხვევის ადგილიდან პოლიციამ  ამოიღო 315გრამი კანაფის ხმელი ფოთოლი, 7,1 გრამი ნედლი კანაფი, მცირე ოდენობით კოკაინი  და ელექტროსასწორი.

დამნაშავე   ნარკოტიკების მოყვანა- შენახვის ბრალდებით  თებეს პროკურატურაში იქნა გადაყვანილი.