ინდოეთის პრემიერ-მინისტრი ნარენდრა მოდი ათენში იმყოფება

ამ დროისთვის მაქსიმოს სასახლეში ინდოეთის პრემიერ-მინისტრის, ნარენდრა მოდისა და კირიაკოს მიცოტაკის შეხვედრა მიმდინარეობს.

ნარენდრა მოდის თვითმფრინავი დღეს დილით დაეშვა ელ. ვენიზელოს აეროპორტში, სადაც იგი პატივით მიიღო საგარეო საქმეთა მინისტრმა, გიორგოს გერაპეტრიდისმა.

გაძლიერებული დაცვის თანხლებით იგი სასტუმრო “დიდ ბრიტანეთში” გადაიყვანეს, სადაც ის დარჩება.

პრემიერმა ნარენდრა მოდიმ გვირგვინით შეამკო უცნობი ჯარისკაცის ძეგლი, შემდეგ კი პრეზიდენტის სასახლეში კატერინა საკელაროპულუს შეხვდა, რასაც მოჰყვა ინდოეთის პრემიერ-მინისტრის ღირსების ორდენით დაჯილდოების ცერემონია.

13:00 საათზე კირიაკოს მიცოტაკი ნარენდრა მოდის სამუშაო ლანჩს უმასპინძლებს ბერძენი და ინდოელი ბიზნესმენების მონაწილეობით.

დღეს, ინდოეთის პრემიერ-მინისტრის ათენში ვიზიტთან დაკავშირებით, EL.AS-ის ბრძანებით დროებით დაიკეტა მეტროსადგურები ” სინდაგმა” და “უნივერსიტეტი”.