ათონის მთიდან 60 წლის ბერი გაუჩინარდა

გუშინ (4/4)შუადღეს, ათონის მთის მეგისტის ლავრის წმინდა მონასტრიდან, 60 წლის ბერი გაურკვეველ ვითარებაში  გაუჩინარდა.

ბერის  დაკარგვა ათონის პოლიციის სამმართველოს  მისმა თანამოსაკნემ შეატყობინა.

პოლიციამ დაუყოვნებლივ დაიწყო ძებნის ოპერაცია, თუმცა დაკარგულის კვალს ამ დრომდე ვერ მიაკვლიეს.

სამძებრო- საგამოძიებო მოქმედებებში პოლიციის თანამშრომლები სპეციალურად გაწვრთნილი ძაღლებით მონაწილეობენ.

ძებნის ოპერაციაში ჩართულია სახანძრო სამსახურიც.

შემთხვევის ადგილზე   დღეს ჩავიდნენ მოხალისე- მაშველები, რომლებიც პოლიციას  ტექნიკური საშუალებებით, დრონებით და თერმული კამერებით ეხმარებიან.