ეგიო: სროლა პოლიციასა და უცნობ თავდამსხმელებს შორის
ეგიოს რეგიონში დღეს დილით ცეცხლსასროლი იარაღის გამოყენებით დაპირისპირება მოხდა პოლიციელებსა და ოთხ უცნობ თავდამსხმელს შორის, რომლებიც ბანკპმატის გატაცებას ცდილობდნენ.
კერძოდ, პოლიციის ცნობით, ეგიოს უსაფრთხოების დეპარტამენტის საპატრულო ეკიპაჟმა უცნობი პირები იმ მომენტში შეამჩნია, როდესაც ისინი ცდილობდნენ ბანკომატის გატაცებას, რომელიც სუპერმარკეტის მიმდებარე ტერიტორიაზე იყო დამონტაჟებული.
პოლიციის დანახვისთანავე უცნობმა თავდამსხმელებმა მათი მიმართულებით სროლა დაიწყეს, ამ უკანასკნელებმა კი საპასუხო ცეცხლით უპასუხეს, თუმცა დაზიანების მიყენების გარეშე.
ამის შემდეგ დამნაშავეები მანქანაში ჩასხდნენ და პატრა-კორინთის ძველი ეროვნული გზის მიმართულებით ადგილიდან მიიმალნენ.
ცოტა ხნის შემდეგ მოძალადეების მანქანა ქალაქის აღმოსავლეთ შესასვლელთან დამწვარი იპოვეს. როგორც გამოძიებიდან გაირკვა, მანქანა მოპარული იყო.
ამჟამად დამნაშავეების იდენტიფიცირებისათვის და მათ დასაკავებლად გამოძიების ფარგლებში მიმდინარეობს მტკიცებულებების შეგროვება, როგორც ბანკომატის მდებარეობის, ასევე დამწვარი მანქანის აღმოჩენის ადგილიდან. მოწმდება აგრეთვე მიმდებარე ტერიტორიაზე დამონტაჟებული უსაფრთხოების კამერების ჩანაწერებიც.
