დღეს და ხვალ ათენში ტაქსის მძღოლები საპროტესტო აქციას გამართავენ

დღეს და ხვალ ათენში ტაქსის მძღოლები საპროტესტო აქციას გამართავენ

ატიკის ტაქსის მძღოლების პროფკაცშირის მიერ გავრცელებული ინფორმაციის თანახმად 48 საათით გაიფიცებიან ტაქსის მძღოლები 5 და 6 ნოემბერს. 

ორგანიზაციის წარმომადგენლების მიერ გაკეთებული განაცხადის თანახმად მძღოლების მთავარი მოთხოვნაა:

• ელექტრო ტაქსების სავალდებულო რეგისტრაციის ვადის გახანგრძლივება.
• 12 000 ევრომდე შემოსავლის გადასახადებისგან გათავისუფლება.
• აღნიშნულ პროფესიასთან დაკავშირებული ბოლოდროინდელი ერთობლივი მინისტრთა გადაწყვეტილების გაუქმება.
• ტაქსებისთვის ავტობუსის ზოლებში თავისუფლად გადაადგილების ნებართვა.

ტაქსის მძღოლთა პროფკავშირების პრეზიდენტმა, თიმიოს ლიბეროპულოსმა ტელემაუწყებელ ΕΡΤnews-თან საუბრისას განაცხადა, რომ ბოლო 6 წელია მთავრობა ტაქსის მძღოლთა წარმომადგენლებთან კონსულტაციის გარეშე იღებს გადაწყვეტილებებს.