ელენა აკრიტა: ნაყოფი მაშინ მოვიშორე, როცა ეს ჯერ კიდევ უკანონო ქმედებად ითვლებოდა
ელენა აკრიტა: ნაყოფი მაშინ მოვიშორე, როცა ეს ჯერ კიდევ უკანონო ქმედებად ითვლებოდა
მარია კარისტიანუს მეირ საჯაროდ წამოყენებული ინიციატივის შემდეგ აბორტთან დაკავშირებით ელენა აკრიტამ Facebook მიმდევრებს საკუთარი გამოცდილება გაუძიარა.
ელენა აკრიტამ ისაუბრა სტუდენტობის წლებზე, კერძოდ კი პერიოდზე, როცა პირველი კურსის სტუდენტი იყო და ორსულად დარჩა. მან იქვე ხაზი გაუსვა, რომ ორსულობა სექსუალური ძალადობის შედეგად არ დამდგარა. ეს იყო შედეგი ორი ახალგაზრდის ურთიერთობისა. როგორც Facebook-ის პოსტში წერს, იმ პერიოდში ნაყოფის მოშორება უკანონო ქმედებად ითვლებოდა, რასაც თავისუფლად შეიძლებოდა ის, როგორც ახალგაზრდა, გამოუცდელი გოგო ფატალურ შედეგამდე მიეყვანა. თუმცა სხვა გოგონენისგან განსხვავებით მას დედა მხარში დაუდგა და შეძლო საჭირო სამედიცინო დახმარების მიღება. მკურნალობის მიზეზად პაციენტის ისტორიაში სხვა პრობლემა დასახელდა, ხოლო რეალურად კი გამოცდილმა გინეკოლოგმა საჭირო პროცედურა უსაფრთხოდ, თუმცა უკანონოდ ჩაატარა. მან პოსტში მაგალითად მოიყვანა საფრანგეთის ეროვნულ ასამბლეაზე 1974 წლის 26 ნოემბერს აბორტის ლეგალიზაციასთან დაკავშირებით სიმონ ვეილის ცნობილი სიტყვები: “არცერთი ქალი არ იღებს ნაყოფის მოშორების გადაწყვეტილებას უდარდელად.” რაც ნიშნავს იმას, რომ ეს ყოველთვის ფსიქოლოგიურად მძიმე და ტრაგიკული არჩევანია.
მიუხედავად იმისა, რომ ათობით წლები გავიდა მისი ამ გამოცდილებიდან ისევ აწუხებს მისი ეს არჩევანი, თუმცა თვლის, რომ სწორად მოიქცა.
