ვიფიქრე რომ მოკვდა და პანიკაში ჩავვარდი – 4 წლის ძენას დედას სულისშემძვრელი ჩვენება
ვიფიქრე რომ მოკვდა და პანიკაში ჩავვარდი – 4 წლის ძენას დედას სულისშემძვრელი ჩვენება
6 საათიანი დაკითხვის შემდეგ პროკურორმა 32 წლის ალჟირელი ქალის პატიმრობაში დატოვების განკარგულება გასცა. დაკავებულს ბრალი 4 წლის გოგონას მკვლელობაში ედება, რომელიც კვირას, 27 ივლისს პალეო ფალიროში, ედემის სანაპიროზე გარდაცვლილი იპოვეს.
დაკავებულს კორიდალოს ციხეში ხვალ დილით გადაიყვანენ.
დაკავებულმა ჩვენება თარჯიმანის დახმარებით მისცა, რადგან ბერძნულად არ საუბრობს და განაცხადა, რომ არ მიუძღვის ბრალი მისი შვილის სიკვდილში და დაიჟინა, რომ გოგონას სიცოცხლე უბედურმა შემთხვევამ იმსხვერპლა, საკუთარი სახლის სააბაზანოში დაშავდა და სანაპიროზე უკვე გარდაცვლილი მიიყვანა წყალში გასაშვებად.
“ძენა სააბაზანოში წყლის გადასავლებად შევიყვანე, შემდეგ სამზარეულოში გავბრუნდი რომ მისთვის წყალი მიმეტანა. წყლის ავსებისას დაცემის ხმა შემომესმა და როცა სააბაზანოში შევბრუნდი ძენა ძირს ეგდო. გულში ჩავიხუტე და მისი გონს მოყვანა სცადე. მოეგო კიდეც გონს. შევიყვანე ისევ წყლის გადასავლებად მაგრამ მეორედაც დაკარგა გონება და თავი დაარტყა. ვცადე მისი გონს მოყვანა თუმცა უშედეგოდ. ჩავთალე რომ გარდაიცვალა, პანიკაში ჩავვარდი, შემეშინდა. პირველი რაც მომაფიქრდა იყო წავსულიყავი ზღვაზე. ჩემი შეცდომაა ეს და ვნანობ რომ ეს გადაწყვეტილება მივიღე, მაგრამ უკვე გარდაცვლილი იყო. ფალირომდე ტრამით მივედით, ჯიხურში რაღაცები ვიყიდე და სანაპიროსკენ გავეშურეთ. ბავშებმა ცოტახნით გასართობ მოედანზე ითამაშეს და ისევ მივბრუნდით სანაპიროზე, სწორედ მაშინ მივიღე გადაწყვეტილება ძენა წყალში დამეტოვებინა.” – განაცხადა დაკავებულმა დაკითხვაზე.
