მთავარ გზებზე 388 ახალი კამერა დამონტაჟდა
მთავარ გზებზე 388 ახალი კამერა დამონტაჟდა
ათენში საგზაო უსაფრთხოების გასაძლიერებლად 100 გზაჯვარედინზე 388 ახალი საგზაო კამერა დამონტაჟდა. მათი მთავარი დანიშნულება წითელ შუქზე მოძრაობის დარღვევების ავტომატური დაფიქსირება და მძიმე ავტოსაგზაო შემთხვევების შემცირებაა.
კამერები შუქნიშნამდე რამდენიმე მეტრით ადრეა განთავსებული და ავტომობილის სანომრე ნიშანს მაშინ აფიქსირებს, როდესაც მძღოლი წითელ შუქზე კვეთს გზაჯვარედინს. ინფორმაცია ავტომატურად იგზავნება საბერძნეთის პოლიციის ელექტრონულ სისტემაში, რის შემდეგაც ჯარიმა მძღოლს ელექტრონულად ეგზანება.
ამ ეტაპზე სისტემა მხოლოდ წითელ შუქზე მოძრაობის დარღვევას აკონტროლებს, თუმცა მომავალში ხელოვნური ინტელექტის ტექნოლოგიით აღჭურვილი „ჭკვიანი“ კამერები სიჩქარის გადაჭარბებას, საჭესთან მობილური ტელეფონის გამოყენებას, უსაფრთხოების ღვედის არგაკეთებას, ავტობუსის ზოლის უკანონოდ გამოყენებას, ასევე დაუზღვეველ და ტექნიკური ინსპექტირების გარეშე მოძრავ ავტომობილებსაც გამოავლენს.
საბერძნეთის ხელისუფლების განცხადებით, ახალი სისტემის მთავარი მიზანი ჯარიმების გაზრდა კი არა, საგზაო უსაფრთხოების გაუმჯობესება და ავტოსაგზაო შემთხვევების შემცირებაა.
