საბერძნეთს იუნესკოს მსოფლიო მემკვიდრეობის სიაში 21 ობიექტი აქვს
საბერძნეთს იუნესკოს მსოფლიო მემკვიდრეობის სიაში 21 ობიექტი აქვს
საბერძნეთის უმაღლესი მწვერვალი, ოლიმპოს მთა, იუნესკოს მსოფლიო მემკვიდრეობის სიაში ერთხმად შეიტანეს, როგორც განსაკუთრებული ბუნებრივი და კულტურული ღირებულების ძეგლი. გადაწყვეტილება იუნესკოს მსოფლიო მემკვიდრეობის კომიტეტის 48-ე სესიაზე, სამხრეთ კორეის ქალაქ ბუსანში მიიღეს.
ოლიმპოსი, რომლის სიმაღლე 2 918 მეტრია, ძველი ბერძნული მითოლოგიის მიხედვით, თორმეტი ოლიმპიელი ღმერთის, მათ შორის ზევსის, საცხოვრებელ ადგილად ითვლება. იუნესკომ აღნიშნა, რომ მთა უნიკალურ ბუნებრივ გარემოს, მდიდარ ბიომრავალფეროვნებასა და მსოფლიო კულტურისთვის განსაკუთრებულ ისტორიულ მნიშვნელობას აერთიანებს.
საბერძნეთის კულტურის მინისტრმა ლინა მენდონიმ განაცხადა, რომ ეს აღიარება ქვეყნისთვის მნიშვნელოვანი წარმატებაა და კიდევ ერთხელ ადასტურებს საბერძნეთის ძალისხმევას კულტურული და ბუნებრივი მემკვიდრეობის დაცვის მიმართულებით.
ოლიმპოსის მსოფლიო მემკვიდრეობის სიაში შეტანა საბერძნეთისთვის განსაკუთრებული მნიშვნელობის მოვლენაა. საბერძნეთს ამჟამად იუნესკოს სიაში 21 ობიექტი აქვს, მათგან კი ოლიმპოსი, მეტეორასთან და ათონის მთასთან ერთად ერთ-ერთია იმ იშვიათ ძეგლებს შორის, რომელსაც ერთდროულად ბუნებრივი და კულტურული მემკვიდრეობის სტატუსი მიენიჭა.
