მძარცველებმა სავას პუბურასის სახლის გაძარცვა სცადეს

მძარცველებმა სავას პუბურასის სახლის გაძარცვა სცადეს

კვირას დილის 08:00 საათზე 3 პირი ვრილისიაში მდებარე კერძო სახლში შეიჭრა, თუმცა კარს იქით მძარცველებმა გაცდომა ვერ შეძლეს, რადგან სიგნალიზაცია ჩაირთო და განგაშის ზარი ავტომატურად პოლიციის განყოფილებაშიც დაირეკა.

შემთხვევის ადგილზე დაუყოვნებლივ გამოცხადდა პოლიცია და მძარცველებს დაედევნა.

პოლიციის თანამშრომლებმა სამიდან 2 მძარცველის დაკავება შეძლეს, ხოლო მესამე კი ადგილიდან მიიმალა.

მძარცველების დაკავების დროს დაშავდა 1 პოლიციელი, რომელსაც სასწრაფო დახმარების ბრიგადამ პირველადი დახმარება აღმოუჩინა.

გავრცელებული ინფორმაციის თანახმად მძარცველები გასართობი სატელევიზიო შოუს წამყვანის, სავა პუბურას სახლში ცდილობდნენ შესვლას.