ძლიერი წვიმების გამო ათენის სანაპირო ზოლი სრულიად დაიტბორა

ძლიერი წვიმების გამო ათენის სანაპირო ზოლი სრულიად დაიტბორა

ანალიტიკური ქიმიის პროფესორმა ნიკოს თომაიდისმა ისაუბრა ძიერი წვიმის შედეგად დატბორილი სანაპირო ზოლის გავლენაზე ადგილობრივ მოსახლეობაზე და მათზე, ვინც წვიმაში ავტომანქანებით მოყვნენ.

გამომდინარე იქიდან რომ წყალს კანალიზაციიდან ამოსული ნივთიერებები შეერია ეჭვქვეშ დგება იმ პირების ჯანმრთელობის მდგომარეობა, ვინც იმ მომენტში პოსიდონოს გამზირზე გადაადგილდებოდა. 

ქიმიკოსმა ტელემაუწყებელ ΕΡΤ-თან საუბრისას განაცხადა: “ურბანული კანალიზაცია იმ მომწამვლავი ქიმიკატების გარდა, რომლებსაც დროდადრო განვიხილავთ შეიცავს პათოგენებსაც, რომლებსაც ინფექციური დაავადების გამოწვევა შეუძლიათ. საუბარი გვაქვს არამხოლოდ კორონა ვირუსზე ან გრიპზე, არამედ აქტიური პათოგენების კოქტეილზე, რომლებსაც მნიშვნელოვანი ზიანის მოტანა შეუძლიათ ადამიანებისთვის. აუცილებელია მუდმივად შემოწმდეს წყლის ხარისხი და გარკვეული პერიოდის განმავლობაში ეჭვქვეშ დადგეს ზღვის წყლის უსაფრთხოების საკითხი. იმ ადამიანებმა, ვინც დატბორვის პროცესში გარეთ იმყოფებოდნენ, აუცილებლად უნდა დაიბანონ ტანი და ფეხები, რათა თავიდან იქნეს არიდებული ნებისმიერი ინფექციის გავრცელება.”