ავტომანქანა განათების ბოძს შეეჯახა – შეჯახების შედეგად მძღოლი მძიმედ დაშავდა
ავტომანქანა განათების ბოძს შეეჯახა – შეჯახების შედეგად მძღოლი მძიმედ დაშავდა
დღეს დილით, 22 მაისს, კატეხაკისა და კანელოპულუს კვეთაზე, ილიუპოლის მიმართულებით მიმავალი ავტომანქანის მძღოლმა, გამოძიებისთვის ამ დრომდე დაუდგენელ მიზეზთა გამო, საჭეზე კონტროლი დაკარგა, გზის სავალი ნაწილიდან გადავიდა და განათების ბოძს შეეჯახა.
შეჯახების შედეგად მძღოლი დაშავდა, დაშავებული სასწრაფო დახმარების ბრიგადამ უკვე გადაიყვანა საავადმყოფოში საჭირო გამოკვლევების ჩასატარებლად და სამედიცინო დახმარების აღმოსაჩენად.
შეჯახება იმდენად ძლიერი იყო, რომ განათების ბოძი გადაიხარა, ხოლო ავტომანქანის ნაწილები ამ დრომდე გზაზეა მიმოფანტული.
ავტოსაგზაო შემთხვევის შედეგად გადაკეტილია კარეასკენ მიმავალი გზა, რათა სრულფასოვნად მოხდეს გზის გაწმენდა დაღვრილი ზეთისა და ავტომანქანების ნაწილებისგან.
