ავტოსაგზაო შემთხვევას ელევსინაში 31 წლის ბიჭის სიცოცხლე ემსხვერპლა
ავტოსაგზაო შემთხვევას ელევსინაში 31 წლის ბიჭის სიცოცხლე ემსხვერპლა
პარასკევს გამთენიისას ელევსინაში ავტოსაგზაო შემთხვევამ 31 წლის ბიჭის სიცოცხლე იმსხვერპლა, ხოლო მანქანაში მყოფი 25 წლის მგზავრი კი მძიმედ დაშავდა.
EΡΤ-ის მიერ გავრცელებული ინფორმაციის თანახმად უბედური შემთხვევა გამთენიის 01:30 საათზე, კანელოპულუსა და მურიკის ქუჩების კვეთაზე მოხდა, ელევსინას სანაპიროსთან ახლოს. ავტომანქანა, რომელსაც 31 წლის მძღოლი მართავდა, გამოძებისთვის ამ დრომდე დაუდგენელი მიზეზის გამო, გზიდან გადავიდა, სატვირთო მანქანას შეეჯახა და ამოყირავდა.
ადგილზე დაუყოვნებლივ გამოცხადდნენ სახანძრო-სამაშველო ძალები, პოლიცია და სასწრაფო დახმარების მანქანა. 31 წლის მძღოლის გადაყვანა თრიასიოს საავადმყოფოში მაშინვე მოხერხდა, თუმცა მან სული პალატაში მალევე დალია. 25 წლის თანამგზავრი კი მანქანაში იყო გამომწყვდეული და მისი გამოყვანა მხოლოდ სამაშველო ძალებმა შეძლეს. ის ძანიოს საავადმყოფოში გადაიყვანეს საჭირო სამედიცინო დახმარების გასაწევად.
მიმდინარეობს გამოძიება უბედური შემთხვევის მიზეზების დასადგენად.
