არასტაბილური ამინდები საბერძნეთში

არასტაბილური ამინდები საბერძნეთში

მეტეოროლოგების პროგნოზირების თანახმად, სუსხიანი ამინდების  ,,ცივი ტალღა” კვირამდე გასტანს და სუსხიან ზამთრის დღეებს  მომავალი კვირიდან, 20 გრადუსი სითბო ჩაანაცვლებს.

წვიმიანი ამინდია დღეს  ქვეყნის სამხრეთ ნაწილში, თუმცა,  მომავალი კვირადან ტემპერატურა თანდათან მოიმატებს  და  პარასკევს, 19 იანვარს, ჰაერის ტემპერატურა 19-დან 20 გრადუსამდე  გათბება.

,,ამინდების ასეთი მკვეთრი ცვალებადობა იმაზე მეტყველებს, რომ  წელს საბერძნეთში ზამთარი ფაქტიურად არ ყოფილა“ – აღნიშნავენ მეტეოროლოგები.

ასე რომ, ორშაბათიდან, ERT – ის  მეტეოროლოგის –  პანაგიოტის ჯანოპულოსის თქმით, ჰაერის ტემპერატურა კვლავ მოიმატებს.

ორშაბათს და სამშაბათს წვიმაა მოსალოდნელი ქვეყნის  დასავლეთ ნაწილსა და  და ეგეოსის საზღვაო ზონებში, თუმცა  მომავალი კვირის განმავლობაში , ათენში  თერმომეტრი  17 გრადუსიდან აიღებს სტარტს და კვირის ბოლოს, 19 გრადუსს მიაღწევს.