არჩევნები2023-წინასწარი მონაცემებით ახალი დემოკრატია ლიდერობს
ქვეყნის მასშტაბით საარჩევნო უბნების დახურვის შემდეგ 2023 წლის საპარლამენტო არჩევნების შედეგების შესახებ ეგზიტპოლის შედეგები გამოქვეყნდა.
წინასწარი მონაცემებით ამომრჩეველთა ხმების პროცენტული თანაფარდობა შემდეგნაირად გადანაწილდა:
Νέα Δημοκρατία: 36-40%
ΣΥΡΙΖΑ: 25-29%
ΠΑΣΟΚ: 9.5-12.5%
KKE : 6-8%
Ελληνική Λύση : 3.5-5.5%
Πλεύση Ελεύθερηας: 2.2-4.2%
Λοιπά: 4,8-6,8%
აღნიშნულია, რომ პირველი ოფიციალური შედეგები (ტერიტორიის 10%-ზე მეტი) სავარაუდოდ 20:30 საათისთვის გახდება ცნობილი, ხოლო 21:00 – 22:00 საათისთვის ქვეყნის მასშტაბით არჩევნების შედეგები 80%-90% სიზუსტით იქნება წარმოდგენილი.
ახალი დემოკრატიის პრეზიდენტი კირიაკოს მიცოტაკი ეგზიტპოლს ND-ის შტაბ-ბინიდან ადევნებდა თვალს.
ის პირველ განცხადებას არჩევნების ოფიციალური შედეგების გამოცხადების შემდეგ გააკეთებს.
თავის მხრივ, სირიზას პრეზიდენტი ალექსის ციპრა ეგზიტპოლს საკუთარი სახლიდან ადევნებდა თვალს, შემდეგ ის გადავა SYRIZA-ს შტაბ-ბინაში მოსალოდნელია, რომ ის განცხადებას ასევე შედეგების საბოლოო შეფასების შემდეგ გააკეთებს.
