ბოლო 24 საათის განმავლობაში ქვეყანაში 44 ხანძრის კერა გაჩნდა

ბოლო 24 საათის განმავლობაში ქვეყანაში 44 ხანძრის კერა გაჩნდა

მთელი ქვეყნის მასშტაბით ბოლო 24 საათის განმავლობაში 44 ხანძარი დაფიქსირდა, რომელთაგანაც ორმოცის ჩაქრობა მალევე შეძლეს სახანძრო სამაშველო ძალებმა, ხოლო დანარჩენი ოთხის ჩაქრობას კი ამ დრომდე ცდილობენ. 

სახანძრო-სამაშელო ბრიგადებთან ერთად მუშაობენ ადგილობრივი საგამოძიებო უწყებები და დანაშაულთან ბრძოლის განყოფილებები, რათა გამოიძიონ ხანძრის გაჩენის მიზეზები.

შეგახსენებთ, რომ როგორც გუშინ და დღეს, სიცხის ტალღის გამო, ხვალაც მაღალი რისკია ხანძრის გაჩენის და როგორც უკვე აღინიშნა, სამოქალაქო დაცვის მექანიზმის შემადგენელი ყველა სერვისი და ტექნიკური საშუალება მოყვანილია გაძლიერებულ მზადყოფნაში, ხოლო მოქალაქეებს კი მიღებული აქვთ შესაბამისი გაფრთხილებები: მოერიდნონ ნარჩენების დაწვას, საფუტკრეში მოწევას, ცხელი სამუშაოების შესრულებას, როგორიცაა: შედუღება, საჭრელი ბორბალის გამოყენება და სხვ.

ასევე, სიფრთხილის მიზნით, აკრძალულია ადამიანებისა და მანქანების გადაადგილება სატყეო ტერიტორიებზე სადაც ხანძრის გაჩენის მაღალი რისკია.