გლიფადაში, საცხოვრებელ კორპუსში დაგეგმილ აფეთქებაში ეჭვმიტანილი გამოიკვეთა
სანაპირო დაცვის თანამშრომელმა, რომლის საცხოვრებელ კორპუსშიც დღეს დილით ხელყუმბარა იპოვეს, პროკურატურას ჩვენება მისცა.
როგორც მან განაცხადა ხელყუმბარით თავდასხმის უკან შესაძლოა იყოს მისივე თანამშრომელი, რომლის მიმართაც გარკვეული ეჭვები უკვე არსებობდა.
როგორც სანაპირო დაცვის ოფიცერმა ჩვენებაში აღნიშნა, ეს არ იყო პირველი შემთხვევა, როდესაც ის მისი კოლეგის სამიზნე იყო, რადგან თავდასხმის ობიექტი, როგორც თავად აცხადებს, ცდილობდა სიმართლის გამოვლენას მისი კოლეგის მიერ ჩადენილ უკანონო ქმედებებთან დაკავშირებით.
როგორც მან რამდენიმე ხნის წინ აღნიშნა ამ შემთხვევამდე ადგილი ჰქონდა კიდევ ერთ ინციდენტს, როდესაც მის მანქანას ხანძარი გაუჩნდა.
დღევანდელი თავდასხმა ხელყუმბარით მის საცხოვრებელ კორპუსში, გლიფადაში, სავარაუდოდ ამ ინციდენტის გაგრძელება იყო.
პოლიცია აწარმოებს გამოძიებას იმის დასადგენად, მართლაც დგას თუ არა სანაპირო დაცვის თანამშრომელი დღევანდელი თავდასხმის უკან იმ კორპუსში, სადაც ოფიცერი ცხოვრობს.
აღნიშნულია, რომ გამოძიება მაშინაც ჩატარდა, როდესაც ოფიცრის მანქანას ცეცხლი წაუკიდეს, თუმცა ეჭვმიტანილის წინააღმდეგ მაშინ არანაირი მტკიცებულება არ გამოჩენილა და შესაბამისად ის არ დააკავეს.
