გლოვა ვოლოსში ხანდაზმული წყვილის გამო – მოხუცი სამი დღე გარდაცვლილი მეუღლის გვერდით ცხოვრობდა

ვოლოსში გლოვა სუფევს მას შემდეგ, რაც გავრცელდა ინფორმაცია, რომ რამდენიმე დღის წინ გარდაიცვალა ხანდაზმული წყვილი, რომელიც  ცენტრალურ უბანში, კორპუსის  ბინაში ცხოვრობდა.

72 წლის მოხუცი მამაკაცი 68 წლის მეუღლის გარდაცვალებას ვერ შეეგუა და სახლში მეუღლის ცხედრის გვერდით სამი დღის განმავლობაში, ჩვეულებრივ აგრძელებდა ცხოვრებას.

მან გარდაცვლილთან განშორების შესახებ გადაწყვეტილება მხოლოდ სამი დღის შემდეგ მიიღო და ახლობლებს მეუღლის გარდაცვალების შესახებ შეატყობინა, ახლობლებთან სატელეფონო ზარიდან ცოტა ხანში კი თვითონაც გარდაიცვალა.

მათ გვერდით იპოვეს მათი შინაური ცხოველი, კნუტი, რომელზეც პოლიციამ იზრუნა და დააბინავა.

შეშინებული კნუტი პოლიციამ მისი ხანდაზმული პატრონების  უსიცოცხლო ცხედრების გვერდით იპოვა და დროებით ვოლოსის პოლიციის განყოფილებაში მიუჩინა თავშესაფარი.

რამდენიმე დღის მშიერ და უწყლოდ დარჩენილ კნუტს პოლიციელებმა საჭმელი მისცეს,შემდეგ კი ვეტერინარულ კლინიკაში გადაიყვანეს.