Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიოშოუბიზნესი

56 წლის დანიელ ჯონ ვალტიერი სასამართლოში ირწმუნება რომ შაკირა მისი ცოლია

56 წლის დანიელ ჯონ ვალტიერი სასამართლოში ირწმუნება რომ შაკირა მისი ცოლია

ფლორიდის ხელისუფლებამ ორშაბათს, 8 იანვარს დააკავა 56 წლის მამაკაცი, სახელად დანიელ ჯონ ვალტიერი რომელსაც ბრალად ედება კოლუმბიელი პოპ ვარსკვლავის შაკირას თვალთვალი და შევიწროება.

მომღერალი 2023 წლის აპრილში, ჟერარ პიკესთან დაშორების შემდეგ, შვილებთან ერთად მაიამიში გადავიდა საცხოვრებლად, მაგრამ მათი იქ ყოფნა, როგორც ჩანს, ეპიზოდურია.

56 წლის მამაკაცი როგორც სასამართლო პროცესის მიმდინარეობისას გაირკვა ფლორიდის პოლიციელებმა იმ დროს დააკავეს როდესაც ის შაკირას საცხოვრებელ სახლში შეჭრას სცდილობდა. მამაკაცი, წარმოშობით ელ-პასოდან, ტექსასის შტატიდანაა და როგორც ჩანს მას ნამდვილად სჯერა რომ შაკირასთან ურთიერთობაში იმყოფება.

სასამართლო პროცესზე ბრალდებულმა განაცხადა, რომ ურთიერთობა ჰქონდა კოლუმბიელ მომღერალთან. ფრაგმენტები, რაც მან სასამართლოზე თქვა, ინტერნეტში გამოქვეყნდა და აჩვენებს, რომ მამაკაცი დაჟინებით ირწმუნება შაკირასთან “ურთიერთობას”.

შაკირას stalker-მა უარყო მოსამართლის მითითებები რომ თავი აერიდებინა მომღერალთან კონტაქტის მცდელობებისთვის და განაცხადა რომ კოლუმბიელი პოპ ვარსკვლავი მისი ცოლია, რამაც მოსამართლის აღშფოთება გამოიწვია და აიძულა იგი რომ გირაო გაეორმაგებინა.

კერძოდ მოსამართლეს უკვე ჰქონდა დაწესებული 50 000 დოლარი გირაოს სახით, მაგრამ ბრალდებულის პრეტენზიისა და დაჟინებული მტკიცების შემდეგ, რომ შაკირა მისი ცოლია და მას მუდმივად ესაუბრება, მოსამართლემ გირაო 100 000 დოლარამდე გაზარდა.

ასევე სასამართლოს გადაწყვეტილებით დაწესდა შემაკავებელი ზომები. მამაკაცს ეკრძალება ნებისმიერი სახის შეხება მომღერალთან, თუნდაც სოციალური მედიის საშუალებით. ის კვლავ უნდა გამოცხადდეს სასამართლოში. „არა ბატონო, ის თქვენი ცოლი არ არის. მე შევშფოთდი, რადგან ამ კაცს ჰალუცინაციები აქვს“, – აცხადებს მოსამართლე იმ ვიდეო ჩამაწერში რომელიც ინტერნეტ სივრცეში ვრცელდება.

მიუხედავად დაწესებული ზომებისა, სულ რაღაც ხუთი დღის შემდეგ 56 წლის მამაკაცი კვლავ დააკავეს. მომღერლის უსაფრთხოების ჯგუფმა ის მაიამი ბიჩში, მის სახლთან მიმდებარე ტერიტორიაზე იხილა. აღმაშფოთებელია ასევე ის ფაქტი რომ მამაკაცმა ინსტაგრამზე გაავრცელა პოსტი სადაც ტრაბახობდა რომ ის კვლავ შაკირას სახლთან იყო და რომ ვერანაირი ძალა მას ცოლისგან ვერ დააშორებდა.

ვალტიერი სამშაბათს კვლავ სასამართლოში გადაიყვანეს, სადაც მან განაცხადა, რომ ვერ შეასრულებდა ბრძანებას კოლუმბიელი მომღერლისგან შორს თავის დაკავების შესახებ, რამაც მისი ციხეში გადაყვანა გამოიწვია.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *